＊12/08/2009

上次唱k有個男仔 , 原來佢叫阿彤 .

佢send訊息問我 , 佢生日個晚 , 一唔一齊落灣仔飲野 ! 

灣仔唔係好想去 ! 

最後 , 我都係冇去到 !

不過 , 祝你生日快樂先 !

happy birthday to 阿彤

阿kit問我下個月一唔一齊去游船河"chok"墨魚 !

唔知細佬去唔去呢 !

我又唔係好想去 , 好似感覺唔係幾好咁 !

呢幾日又落雨啦 , 心情更加差佐 !

好多野都諗唔開 , 現實既壓力一步一步向我逼近 , 令我好辛苦 , 抖唔到氣 !

一唔開心就會想喊 , 嘉宏話唔介意無時無刻借個膊頭俾我 , 多謝你呀 !

對於感情既野 , 都係一隻字都唔好提啦 !

我依家好開心 ... ...

開心到我完全唔想放到腦裡面 !

嘉宏想話同我一齊 , 但我覺得佢真係太小朋友啦 , 雖然大我一歲 , 但個思想仲係咁唔成熟 !

有個對我黎講係好大驚喜既消息 !

我有個青梅竹馬既好朋友 , 佢生佐bb呀 , 係個男仔黎咖 , 真係好衷心祝佢會幸福 !

月尾可能會去飲佢個餐 , 真係好耐冇見面啦 , 好想快d見到佢 , 見到佢幸福滿瀉望住個bb既樣 !

諗起真係好開心 !

不過 , 佢結婚我又唔知 , 佢有佐我又唔知 , 直至佢生佐 , 我都係o係個朋友口中知返黎 !

唔知佢會唔會唔記得我呢 !

今晚約佐楠楠食飯 , 好耐都冇見過佢 , 我諗係小學個時大家分開佐 , 之後中五年中遇到 , 大家交換佐個電話no.

期間約佐2,3次 , 今次終於約到啦 !

一陣出去 !

 食完 , 阿kit應該去完澳門返黎 , 好似話去唱k ... ...

依家都唔知點呀 !