＊31/08/2009
離開佐hk幾日 , 返佐去大陸 !
4日3夜 !
10pm同個fd返到去 ... 阿哥開車去接 !
跟住佢問我同個fd去唔去唱歌 ... ... 我地諗佐陣 , 決定去玩下 !
點知去到 , 幾個阿叔 , 即係阿哥d生意朋友 , 2個女DJ同幾個女人 !
講真真係好悶 ... ... 不過個到好豪華 ! 好靚 ... ... 因為係5星級既關係 ! 一罐 " 王老吉 " 街邊賣3蚊 , 個到賣22蚊 !
唱隻2隻歌仔就走人 !
返到屋企同個fd一齊傾偈傾到2,3點先訓 !
訓醒去佐探個fd同佢個bb ... ... 好耐冇見 , 但佢都冇乜點變到呀 !
佢抱住個bb個時個樣真係好幸福 , 又有個好老公 ! 幾時我先可以咁 ? 有個好老公 !!!
見完佢就去佐食pizza , 4個女仔傾佐好多野 , 但有好多內容自己都聽得唔係好明 !
因為佢地講野好快 , 佢地好好 , 同我講廣東話 ! 驚我聽唔明 !
之後食完有2個fd去佐返工 , 而我同個朋友就去佐買鞋 , 買黎粗著 , 因為聽佢地話今晚去玩 !
買完返佐屋企 !
之後沖完涼就去接埋個fd , 等佢帶我周圍去玩 !
去到間k房到見幾十人齊齊索k , 真係玩命 , 個fd好好 , 佢見我地3個女仔悶 , 就坐佐冇5分鍾就轉場 !
其實真係覺得唔好意思 ! 去玩 , 玩得個一陣 ! 怕個fd會難做 !
然後轉場 , 第一次落淡水既club ... ...
感覺都幾好 , 好過坐房 !
個男DJ都幾型 , d女又幾豪放 ... ... 氣氛唔錯 !
個fd既男性朋友話下之返去要早d講聲 , 話要介紹個男仔調酒師俾我 ... ... 都係唔好啦 , 一個已經好煩啦 !
之後玩大話骰 , 原來大陸既玩法同hk既玩法係唔同 ... ... 哈哈 !
個晚飲佐d酒 , 返到屋企都成2點 ... ...
訓醒第2日
同個fd去佐食野同行街 ... ... 買佐d茶果同雞翼仲有雪糕同雪條返屋企到食 !
食埋個fd走佐 , 我就執房同沖涼 !
搞到7點幾8點佢地就話去游水 , 佢地游我冇游 !
游完8個男女去佐食一煲煲既辛辣蝦同打邊爐 ... ...
食完坐個fd既朋友架車出去club ... ... 今次坐樓上房 , 景觀幾好 , 但就悶佐少少 !
有個男人有意圖灌我同個fd ... ... 但最後佢都俾我地灌返轉頭 !
過程中發生好多好笑既事 !
個fd係咁問我地 , 係咪好悶 , 我地唔會悶呀 ... 唔使擔心 !
哈哈 ..............
去到11:30就閃人 !
返到屋企就沖涼洗鞋睇電視 ... ...
接近4點先訓 !
訓到10點左右俾個fd嗌佐起身執野 ... ...
因為要趕返hk ...
阿哥車我同個fd去佐車站隔離食早餐 , 食食下 , 醒起唔知個fd返佐工未呢 , 之後打俾佢 !
好彩佢仲未 , 之後約佐一齊食野 ... ...
短短4日我已經好開心啦 , 見返好多7/8年冇見既朋友 , 可能因為我地一齊長大, 感情好好 !
而大家亦相處得好融洽 ... ...
阿燕以前好男仔頭 , 一嗱起衫袖就打交個隻 , 但依家咁多年過後 , 見返佢 ... ...
佢變到好有女人味 , 笑起黎真係好靚 , 而且仲好照顧朋友 , 我地都感受到 !
我地咁耐冇見 , 都唔係好陌生啫 , 大家有傾有講 !
阿如佢都仲係黑黑地 , 個樣又係冇點變到 , 佢份人都好好 , 佢同我一8唔鍾意同女仔打交道 , 覺得女仔同女仔之間好煩 !
亦唔鍾意做d無畏野 , 人地誤會係人地既事 , 自己做好就得 !
感情亦唔輕易發達出黎同流於表面 !
對真正既朋友真係好好 !
而慧芹亦都好好 , 但好笑既係 ... 佢阿媽成日想帶佢去相親 , 但佢好乖 , 冇同我地一齊落club玩 !
上次應承佐你話一齊去沙灘 , 但又冇佐回事lu !
而阿芳又係好好 ! 佢陪足我4日 , 驚我自己一個o係屋企會悶 , 所以屋企都唔返 ... ... 陪我食陪我玩同我傾佐好多往事 !
一切一切我都好回味 , 我好慶幸我識到你地咁多位 , 一齊渡過我地既童年 !
都過佐咁多年啦 , 但大家感情都好好 ! 大家都對我好好 ! 我真係好開心 ^^
今次既分離大家都好唔捨得 ... ...
多謝晒你地呀 !!!!
人地話好朋友一個就夠啦 , 但我有咁多個 ,,, 我真係無悔 !
返到黎hk , 同阿鋒同埋minho去新都行佐陣 , 食佐個lunch ! 真係好肚餓 !
minho買佐個天使cake請我食 , 多謝晒你呀 !
因為冇帶到相機既關係 , 所以所有相都係用手機影咖 , 質素真係超差 !
[ 
