＊20/06/2008
唔知點解呢排對錢冇乜好感 ! 感覺唔重要 , 可有可無 !
反而對個樣好有要求 ! 覺得自己越大越唔靚 !
終於可以鬆口氣啦 , 但係冇人陪 ! 唯有留o係屋企自閉 !
問我依家最鍾意做乜 ,,, ,,,就係可以好好享受每一日美好晴朗既天氣 !
問我依家最想做乜 ,,, ,,,就係想去旅行散心 , 乜都唔諗 , 乜人電話都唔聽 ! 好好享受一撻冇煩惱而自由既地方 !
我訂下佐目標 同好多人一樣 , 就係有錢之後享受世界 !
我唔想生bb ,,,因為我唔想有負擔 ! 我想同自己鍾意既人一齊 , 無論失意或疾病既考驗都好好享受一切 !
拋開一切人同人唔好既相處態度 , 接受親切真心既慰問 ... ...呢d唔咪就係古代為官者 , 平民追求至今既生活渴求咩?
今日同星君sir阿楓,阿花,阿鋒,詹詹一齊去飲茶 , 要阿sir請感覺好唔好意思 ! 食得都唔放心 ! 不過好多謝阿sir... ...
呢個阿sir同學生相處既態度好nice完全冇架子 , 希望呢個阿sir可以令我一世人無論幸福或失意時都陪伴住我 !
其實仲有好多例如有保良局既黃姑娘 , 我真係好掛住你 , 我一定會記住你 . 一直都搵唔到你 , 我仲keep住我地3個人既一張相 !
仲有黃嘉孿 , 湯小一位好傾得埋既女miss , 我印象中既佢係一位粗粗魯魯 , 行路高踭鞋發出強烈既"咯咯"聲 !
為人粗魯得黎好鬼死可愛 !仲有中一時既miss李李(李紫微)對我好好 , 好關心我 , 好有禮貌 , 笑容好甜 ! 為人好nice !
依家佢生佐bb都一後日子啦 , 唔知佢呢個媽咪做得開唔開心呢 ?希望佢同bb都健健康康 .
仲有"師生心連心o既王sir(王x雄)佢性格好平和 , 同學生都好好傾 , 好關心同學仔 ,
我記得佢係教數學咖tim,,,唔知佢依家去佐邊到教呢 ? "
小梅("饒"素梅)中1個時代課 ,
同佢好好傾 ! 中2個時入佐黎yy做 , 個時知道佐好開心呀!因為有人同我斗咀 . 仲有中2既張慕儀老師 , 中1佢教中文 , 教得好好 ,
大家都學得好快 ! 中二做班主任 , 由於做班主任所以要改變一向以來既教學方法仲有同學生相處既方法 ,
所以佢收起佐中一燦爛既笑容 ! 因為要做好一個班主任好唔容易 , 因為咁 , 所以我個班o係佢管教下十分出色 !
仲有小賴(賴俊榮)呢個阿sir真係可愛可恨 ! 對佢有講唔出既感覺 佢真係好關心每一位班上既同學 !
所以我地個個都好鍾意佢 , 當升上中2後 , 知道唔係佢做班主任 , 個個都好失望 , 不過同佢既感情依然十分深厚 ,
當正佢係第二個老豆 ! 最鍾意係佢燦爛四萬笑容 , 唔食芽菜唔食芒果 ! 係人都記得啦 !
仲有小英(倫源"英")呢個miss唔話得可愛到不得了 !多得佢同我斗咀仔 , 先令我對佢咁有留戀 ! 平時好鬼幼稚 !
可能就係佢既優點啦 ! 仲有銘銘sir(韓國銘)哈 , 至靚仔係你啦 ! 迷死唔少女同學 ! 都係因為佢先入"社會科學學會"
不過教佐10堂都冇 ,,,其中要係因為身體唔舒服而冇返既tim!之後仲要轉工辭職唔做tim呀 , 唉心諗死啦 , 都唔知邊個黎教 ,
點知錯有錯著 , 黎佐星君sir(王漢史)...
兜佐咁大圈就返返黎啦 !
哈 !!!!呢個阿sir可愛到不得了 , 連我都俾佢殺死 , 個樣好搞gag , 好熱心 , 脾氣十分正 , 搵唔到d乜缺點俾佢tim,,,
總體對佢既總體印象就係可愛 , nice... ...同我地講好多佢以前既野 , 講野又搞gag !!!!正爆 ! (粗魯說法)
下次一定要同你影張相 ,,,應承你送個卡通王漢史(星君)俾你咖 ! 
[ 
