＊27/08/2009

今日係27號啦啦啦 !

係我個fd個bb擺滿月酒既日子呀 !

恭喜晒 !!!! 希望bb快高長大 , 乖乖 , 聽媽咪話 ! ^^

雖然我冇返到去 , 但我個心都已經坐低佐飲佐杯酒啦 ! 哈哈 !

下次我去到 , 一定會請你食返餐飯補數 !

呢排唔知係咪天氣熱 , 個人十分燥 !

情緒波動好大 !

有時真係控制唔到自己既情緒 !

好想去親親大自然呀 !

孤身一人 , 個個都忙住開工搵食 .

不過我又覺得怪怪地 !

我有錢同冇錢都係咁過活 , 因為我未使養家 !

一直話搵工搵工 , 但又掛住玩 , 我想既就係學多d野 ... ...

放心啦 , 9月 ...... 9月 - 10月我一定會去搵份工返 !

尋日去街都冇乜趣事發生 , 就行 ... 行 ... 行 ... 同 食 ... 食 ... 食 ...

睇佐好多衫 , 但都係空手而回 ! 冇件睇得岩呀 ! 

一直話去長洲 , 但都因為d事而冇去 , 依家真係好想去 , 但係搵邊個去呢 ?

我去唔係淨係想玩 , 而更加想既係 , 可以靜靜地 , 靜靜地咁過一個無憂無慮既24小時 !

早上起身睇日出 , 下午帶住太陽眼鏡 , 訓o係沙灘椅到感受夏天 , 傍晚睇住遠處既天空由橙紅變作灰黑 , 夜晚訓海邊 , 吹海風 , 望星星 !

諗起都覺正 !

就算自己一個 , 我都想去 !

真係好想好想呀 !!!!!!!!!!!!!!!!!!!

我就癲啦 !

hahahaha ~

不過

講到底

我只係想 ... o係繁忙既生活中抽閒去呼吸一下 .

＊26/08/2009

原本打算28號就離開香港 , 29號去飲滿月酒 , 但係原來我個fd記錯佐 !

正確擺酒日期係27號 !

尋晚先知 ! 所以安排唔到個時間 ... ...

唯有遲下再同佢地食餐飯補數 !

今日睇返留言 , kent問我個癲佬仲有冇煩我 !

前幾日都係打完一個電話之後 , 就一個訊息 !

同我講晚安 ! 同埋話天氣熱叫我多飲水 ! 仲有就話佢相信我同佢可以做到朋友 !

但 , 和平總係維持唔到好耐 !

以為佢開始放棄啦 ... ... 但係就尋日傍晚5點幾 ... ...

呢個癲佬一口氣打佐接近30個有來電既電話 !

而我就禁佐接近30次既 " 靜音 "

禁咁多次 , 個人真係會炆炆地 !

超想拎起個電話然後連珠爆發鬧佢 !

臨訓前又同我講晚安 !

其實佢晚晚都會同我講完先訓 ... ... 正一係怪人 !

真係好有滋擾既感覺 !

＊25/08/2009

話咁快就25號啦 ...... 真係不知不覺 !

都幾日冇打日記啦 !

過幾日我就唔o係香港啦 .

呢幾日都想走去跑步 , 唔知點解 ... ...

有排先返學 , 好想返學呀 ...

前幾日同佐個好耐冇見既朋友去佐食野 , 好想知道佢過去一年既一切 !

以前既感覺仲keep住 , 但大家見面 , 感覺好陌生 ! 但都傾佐好多野 ... ...

今日真係體驗佐一個 變壞係好易 !

依家好似睇白白睇住佢變壞咁 , 好唔希望佢咁 !

落去玩還玩 , 但要知道清楚明白有d咩係應該做 , 有d咩係掂都唔好掂 !

最唔希望就係睇住你逐步逐步壞 ... ...

見到你開始食煙我就亮起佐個警號 !

玩唔係問題 , 但要小心 !

識人亦都要小心 !

今日好早起佐身 , 同minho落佐去食早餐 !

隻眼都仲係好澀 !

共實呢幾日心情都唔係幾好 , 好似好多野煩緊咁 !

好多野收收埋埋 ... ... 點解會咁咖 !?

算啦算啦 , 放幾日假去玩下啦

決定下個月去澳門 !

講返前幾日同d fd去佐新都城間x香酒樓到打邊爐 ! 

間野個阿姐既態度真係超差 !

似趕客多d囉 !

對住呢個阿姐我地幾個人忍佐幾分鍾 !

之後 , nicko同佢鈿佬耍花槍 , 佢勁惡大大聲講 : 你份人超差 , 你把口真係好賤 , 好似頭先個阿姐咁賤 ! 

阿姐聽到晒 , 其實專登講俾佢聽既 ! 

講完之後 , 阿姐既態度720度大轉變 ! 

雖然話阿姐做野係辛苦 ! 但原來有d人真係唔惡唔得 ! 

你地唔知佢d態度啦 ... ... 如果o係到 , 你地都忍唔住口 !  

一開頭我地體諒佢做野辛苦啦 , 下下都講晒唔該 , 好有禮貌 , 諗住佢都會咁對返好地啦 !

但原來係仲衰囉 !

落單嗌野食 , 叫佐十幾下先行過黎 , 又要扮睇唔到 , 跟住同佢講要乜要乜啦 , 點知一聲唔出行開去 !

至憎d人未聽完我講野就走開去 ! 

乜態度呀 ? 

廚房d大叔講粗口又大聲 !

真係好差勁 , 呢間x香酒樓 !

就九月啦 ... ... 日子真係過得快 !

呢一兩個月以黎 , 要玩既都玩完啦 ! 但仲有一個月時間俾我收拾心情同玩 ! 

呢排買多d衫用黎返學著 ! 

唔使再著校服返學既日子就黎啦 ! 我諗都幾頭痛 ! 

原來學校要學生著校服返學真係可以慳返好多時間 ! 

唔使日日出門口前諗一諗  !  

今晚去跑步 !

TO:馬騮

雖然,大家冇預期中一樣 , 可以再續前緣 

雖然新既一年冇得再日日見 ,

雖然冇得再坐埋一齊 , 傾下偈 , 畫下公仔 , 斗下氣 !

雖然係咁 ... ... 但我地永遠都仲係好朋友 ! 

我知道 , 冇佐最親既朋友 , 冇佐最熟既面孔 ... ... 你會唔慣 !

不過 , 好快你就可以習慣 , 好快你就有新既一批朋友 !

但 , 要記住 ! 我同我都仲係好朋友 !

無論遇到咩問題 , 我都願意同你一齊分擔 !

我希望o係新既學校到 , 你可以過得開心 ,同埋唔好俾太大壓力自己 !

^^

＊20/08/2009

終於搞好佐註冊既手續啦 , 個心總算定返d !

kent問我個男人係咩樣 , 我其實冇乜印象 , 因為我都唔多敢望佢 , 我冇望住佢同佢講野 ... ... 

不過我諗佢應該係廿四五歲 , 個樣似吸毒個d ... ... 仲好似有cool牙 !

尋晚佢仲話叫我天氣熱 , 要多飲水 ! 然後就晚安 ! 又會咁怪既 ?

係喎 ... ... 我染佐個頭呀 , 染個時我都唔知係咩色 , 隻色係依照阿kit鍾意而調出黎 !

染完吹完先知道係隻鴨屎綠既色 , 講就好似好怪 , 其實唔係好綠 ! 幾好睇咖 ! 我自己都好鍾意 !

尋日叫阿鋒落黎吹佐陣水 , 佢一見到我就笑 , 我問佢笑乜 , 佢話離遠睇好似大個佐既嵐嵐 !

下 !!!! 有幾似呀? ! 如果我帶埋個姪女去街咪好怪 !?

佢仲話睇落似係細佐一兩歲 , 即係似15,16 !

wa~

今日有時間睇阿楓日記先知 , 原來佢返緊學LU ... ... 朋友 , 俾心機 !

即使我地冇見面都好 , 我都會默默支持你 ! 俾心機 ! 俾心機 ! 俾心機 !

我28/9開學呀 ! 地點仲未定呀 ! 不過大概會係TST , 石硤尾 , 同埋佐敦 !

真係好想你地會搵一搵我呀 , 點解分開佐之後 , 真係各有各忙抽唔到時間出黎 ?

依家呢個感覺好怪呀 !

今日終於有時間整相啦 , 一陣整好send返俾你地 , 我知你地等佐耐咖啦 ! 唔好意思呀 !

 └  新染既色

  └  上次去美食展既相　　　　　　　　　　　　　　　　　    └  o係會展望過去對面海 , 黎返呢到 , 總會諗返過去既往事
 

  └  一年幾冇見既小藍

  └  場內既芝士焗帶子 , 我地一人一隻
  
  └  8月17號minho生日 , 同佢食佐餐飯 ! 有蜆 , 有酒煮螺 , 有水煮肥牛 , 有士多啤梨醬烤骨 !

at last - 要講既就係 , 依家部NOKIA電話影d相真係好唔掂 , 之前紅色個部SE影出黎仲好 !

都係用返相機仲好 !