今日出左成日街，6點已經肚餓要搵食，朋友話不如試下 Little Vegas，
因為我地平時好少出黎銅鑼灣，而且呢間佢聽過同事講話幾好食，所以我比佢話事 =]
地點位於銅鑼灣耀華街3號百樂中心25樓，
一出Lift，成層都係 Little Vegas，餐廳外牆超有特色，幅畫好特別。
入到餐廳都算多人，
餐廳 8 成位置已經坐滿哂人，當時大概6點頭。
我地一共點左3個菜share 食，第一個有：
♥ 水牛城雞翼、玫瑰雞翼、檸檬雞翼 ♥
其實menu上係$68單點其中一款的，不過如果想menu 上既3款雞翼 都試哂就加多$4，
即係$72 就可以食哂水牛城雞翼、玫瑰雞翼、檸檬雞翼 ♥
我自己本人就好欣賞玫瑰雞翼同檸檬雞翼；
玫瑰雞翼真係有淡淡既花香味，食落一d 熱氣感都冇，
檸檬雞翼就有d 甜甜酸酸，而酸味又唔會太刺激濃烈，有清喉既感覺！
♥ Fuku Burger 福. 漢堡 ♥
個包好似焗過，加上面頭既芝麻，所以十分香脆 =]
而吃上口會 feel 到充滿香濃既牛油味，而中間塊牛肉超厚身，朋友話超抵食！
另外，佢有薯角作配菜，薯角即炸，超熱+脆，
不過只有茄汁提供，如果有 sour cream 就會特別 d !
♥ Waking up in Vegas 賭城早餐 ♥
超中意個松露蛋，好入味，份量都好多；
而薯餅都好正，又係即炸，你唔會覺得係擺左好耐，食上口係好香脆可口！
香腸、煙肉都煎得ok，唔會太"燶" =]
不過我對迷你牛角包有d 失望，佢賣相麻麻，而且感覺好油，好麵粉，我不太中意。
|
