早 2 日同朋友cwb 行行下街肚餓，佢話想食韓國野，
於是介紹我地去銅鑼灣邊寧頓街13-15號隆堡柏寧頓酒店1樓食 ~
佢唔講我都唔知果頭有得食韓國野！
一上到 1 樓，就見到首爾家韓國料理。
一坐低，職員先為我地奉上唔同種類既 side dishes !
估唔到有咁多款，overall 我最中意芽菜、海帶同泡菜 ~
點左個紫菜牛肉包飯，
口感非常豐富，味道唔錯，而且 d 飯包得好札實，完全唔會鬆散！
牛尾湯入面勁多牛尾，相當足料，朋友同我都勁中意食∼
個湯味道有少少淡，不過可以自行加上鹽、胡椒粉！
主菜我地點左純味特級牛肋骨，
牛肋骨肉質鮮嫩，燒起後食上口又唔會有油膩感，一 d 都唔肥，值得一試∼
另一個主菜就係炒粉絲，
由紅薯製成既韓式粉絲，不易折斷，油不多而且條條分明，
食上口十分滑溜，Q彈有韌度，加上好多牛肉，成碟炒粉絲變得好香 ∼
最近埋單每人 $200 頭，比起平時食既韓國野算平呀！
話哂我地叫做 0係酒店入面食 wor =]
|
