脫節

2009年10月16日 (星期五) 晴風

09:15 起身
想訓都唔俾自己訓! 絕對要訓練早起!
碗白粥都唔想食到咁飽..陣間行過去會好吃力!
主要都係食返多d菜~

原來深層修護精華係咁有用o既!
d頭髮好滋潤..冇左左右飛起喇~

落樓梯果陣見返果隻花貓呀!
好想喵佢過黎..不過實俾人望..咪喇...

不停話俾自己聽: 唔洗心急o既..遲到又唔會俾人話..慢慢黎啦!
開頭確係行得慢..但行行下又快左!
天氣又唔係好熱..點解可以又一身汗架!
緊張性流汗定係虛汗??
一路上好多昆蟲飛過..仲俾條綠色蟲嚇鬼死=.="
近轉季發覺有好多蝴蝶呀! 黑紫又有; 啡點又有~
定係自己惹昆蟲??

成身汗咁去到果度..又冇張Tempo可以抹汗!
搞到徒手抹...男個男人咁...
坐低好彩有風扇吹遮..如果唔係實成身臭汗味!

睇電視睇到入晒神果刻就嗌我入房喇..
有時發覺同那個周青凱件衫撞色: 今天白色

開始望都唔敢望佢! 對住你更加唔想講野! 避答..
你「咦! 剪左頭髮呀」
我「係呀」
想順口講多句「自己剪o既」..不過講多無謂! 費時俾你有機會串返轉頭!
但跟住落去o既一堆對話反應有d突然..
比起以往係好左o既..但唔會心軟對你仁慈!

你「你冇咩野呀嘛??」
我「咩呀??」
你「咩呀?? 咩咩咩呀??」
心: 頂你個肺..又要無啦啦咁問..又要反問..你痴線架??
果一秒我的確唔知你問咩..
但諗返12號..果個李姑娘似乎有講你知! 我見倒..
即係你問我個胃有冇事遮??

好肯定你見倒我出席!
點解成日都明知故問架?? 扮失憶呀??
你「12號果日有冇去」
我「有」
你「咁有冇用」
我: 思考中..
你「我意思係對你有冇幫助」
我「......有掛」隔左30秒先咁答..

你「活動助理...」
你「活動助理最好有義工底..會大機會d」
我: 點頭就算~

你「簽返名先」
拎起支筆簽名無啦啦冇晒力!
差d連自己個名都寫唔倒..
好彩冇俾佢見倒!
d力好似冇食飯一樣!

你「你都黎左呢度一年 即係我地都識左一年」
我: 識你又點?? 我同你絕對唔係朋友囉!

你「報d course讀下啦」
你「再唔搵野讀就脫節架喇」
你講o既所有野我都唔想俾d咩反應你..費時俾你串又踩啦!
不過今次講野同反應好似有d開始就下我..
就唔就都冇所謂喇..同你又唔係熟!

你「呢本僱員再培訓出左新o既 返去睇下有咩讀啦」
你「唔好玩住! 聽我講埋先」
頂你..Sms打幾隻字都唔得! 死你死人頭!
你估淨係你d時間寶貴! 我得返一個朋友係咪最少俾我打幾隻字??

你「拿..夾埋落去啦」
你「下次見你11月2 拜拜」
講到好似服務周到咁!
夾好份Form遮..我唔係冇手囉! 唔需要你o既服侍!
可以走o既時候..起身果下成個人好似冇力咁..
行步路都有d吃力! 太攰喇! 散晒咁..

維他錫蘭檸檬茶又幾好飲~
下次再買黎飲先得! 太正喇!

返到家開著個電視都係望左兩眼..
成身汗忍唔住要沖涼! 晏d可以齋浸浴~
跟住隔左一陣食左個脆卜卜的麵包+剩低的檸檬茶..正~
依家夜晚1點諗起都想飲~

點知個人又攰到死!
碌左去廳張梳化度發夢..恰恰下差d訓著!
唔會碌落地都算好彩- -"

睇埋都市閒情又掛住Cafe: 賺快錢~
過山車: 無啦啦冇晒d鄰居! 搞到冇得玩喇!
係咪個伺服出錯呀?? 俾返d人客我啦! 搞錯呀!

用左d人放o係度果d浴鹽~
浸浴太正喇! 好爽~
岩岩好唔洗俾人話塞廁所!

d蝦食到太飽..又唔舒服!
睇睇下電視又想反胃咁!
原來家陣食得太飽會反胃..頂!
一係就嘔..一係就唔好嘔啦! 成日唔上唔落好難頂!

右手好似冇之前咁酸冤痺..
係吹風吹到凍先會咁酸痺..
但之前數天都唔係咁o既..係咪有病=.=??

d人打邊爐返黎都10點幾..
鳳仙大結局都差唔多做完喇!
估唔到o既係莫逆天都算有返d人性! 最後出左家做和尚~

聽聞肥叉明天上黎..終於有帖!
d人咪又係講俾d男人知就算!
我想聽..就偏偏聽唔倒! 電視機d聲遮鬼晒! 聽鬼..
總之明天肥叉上黎係啦!

今晚居然唔想Online..想早d訓!

d人成撚日都係咁!
自己執相就大撚晒!
聽朝早d起身執唔好..係都要夜晚同我爭大機用!
你執相緊要; 我打日記都緊要囉!
仲要熄埋未叉完o既電!
應該熄o既又唔熄! 唔應該熄o既就熄撚晒!
慌死我冇手尾!

總之唔Online同Faymui講野啦!
一講又到點幾喇! 有冇一晚可以正常d??

貓兒 說 (1:07):
我冇用foxy喇
Fuｎg Fuｎg 說 (1:10):
=0=
貓兒 說 (1:10):
果次中毒連肥叉都整左好鬼耐
Fuｎg Fuｎg 說 (1:13):
唉...我放棄喇
貓兒 說 (1:14):
放咩棄
Fuｎg Fuｎg 說 (1:14):
佢都唔回信既...
貓兒 說 (1:15):
算罷啦, 仲諗住佢做乜
貓兒 說 (1:15):
搵過第2個
Fuｎg Fuｎg 說 (1:15):
搵唔到=口=
貓兒 說 (1:15):
邊急得黎遮
Fuｎg Fuｎg 說 (1:16):
嘩....我今晚好勇敢咁用韓文同人講多謝
貓兒 說 (1:16):
咁勇呀
Fuｎg Fuｎg 說 (1:16):
係啊....因為o個2個係韓國人
貓兒 說 (1:17):
哦............
Fuｎg Fuｎg 說 (1:18):
哈哈~我好勁...一眼就睇得出
貓兒 說 (1:18):
yes
Fuｎg Fuｎg 說 (1:19):
因為佢地d樣太差唔多喇...個男既仲同o個條友好似
貓兒 說 (1:19):
同一國家o既梗係似
Fuｎg Fuｎg 說 (1:20):
係囉...訓喇....發夢去搵mr.金
貓兒 說 (1:20):
88888888888888
Fuｎg Fuｎg 說 (1:20):
88

刊登時間︰2009-10-22 04:37 PM    [ 訪客留言(0) ] [ 編輯日誌 ] [ 分享至FACEBOOK ]

老友

2009年10月15日 (星期四) 晴

開始逼返自己10點起身!
係就係夜訓左d..不過早起的確冇咁攰~
早餐有我最愛的豬腰+可以減磅的白粥~
一定要限定自己唔可以食得太飽..
如果唔係增磅之餘仲肥左咁點算??

發覺奶茶都一樣唔岩自己飲......

(閱讀全文)

刊登時間︰2009-10-22 04:32 PM    [ 訪客留言(0) ] [ 編輯日誌 ] [ 分享至FACEBOOK ]

不變改

2009年10月14日 (星期三) 陰雨風

前幾天就話訓到晏晒遮..
今朝10點彈起身又話我「咁早起身 係咪要去邊」!
痴撚線! 訓晏左就話「訓到咁晏」; 早左起身就話我「係咪要出街」!
想早d起身食返早餐遮..成日好似得罪你咁!
經常性被迫聽埋晒呢d說話..唔會痴線就假!
咁同裝個計時炸彈o係我身上冇乜分別??
呢d咁o既說話聽到好辛苦喇......

(閱讀全文)

刊登時間︰2009-10-22 04:29 PM    [ 訪客留言(0) ] [ 編輯日誌 ] [ 分享至FACEBOOK ]