時晴時雨

2009年04月13日 (星期一) 晴雨暗雷

訓得太過份..
個夢都好離譜!

梁顯鋒..李俊賢..曾耀華
佢地三個向住醫院去..好似係沙田威爾斯!
我手上拎住幾支牙刷..話俾佢地o既!
跟佢地去到地鐵站外冇幾遠..
李俊賢叫我可以走..但我再跟佢地幾步..
「依家唔洗你」佢地其中一個咁樣同我咁講!
見佢地走到大公園..已經唔洗再跟..
於是展開一對大翅膀..自己飛走喇~
仲聽倒佢地講: 「嘩..仲識飛添」

今朝訓到好熱..夏天又到了!

老爸去九龍城買餸..
d人似乎做晒家務喎..
但掃左好似冇掃咁= ="

起身都懶得煮豬肉粥..
d人又話要煎班戟!
又食到好飽~

由抹地到執衣櫃..
俾你打掃頭家真係..唔敢諗!
淨係先後次序都可以諗一餐..
咁將來自己屋企點算?? 肯定俾人哦三哦四..

浸個浴都4點喇..
原本好好陽陽光的! 點知落雨!
心情都隨住天氣而變化..
唔怪得唔想落街打羽毛波啦-.-

肥叉過黎晚餐..唔知有咩好野食呢??
佢今次過黎我又唔多緊張喎..搞乜鬼!?

呢幾天d男人成日不停哦哦哦..
我又受影響喎! d心情一時好時壞!
肥叉上黎又要當面話我成日用電腦!
點解可以同呀媽以前一樣!
係要係人面前數落我!
今日唔係我長用囉!
眼見d人做左咁多家務..掉轉頭就話我食野唔做野!
飯前聽埋一大堆呢d說話..
突然怒火中燒! 好想搵野掟囉!
差d o係肥叉面前發人爛咋..頂!
係極想爆粗呀!!

d人又走入黎..唔知想點囉!
簡直趕我出大廳!
個腦不停閃左好多負面思想!
好彩食飯果陣冇咩野..不過就吽d...

可能天氣開始熱..人係燥d掛...

「妳贊唔贊成一個21歲男仔同一個17歲女仔一齊?」
andrew又無啦啦問..你想我點答??

faymui
「我好擔心」
「婆頭先入左院」
「暈」
「暈到頂唔順」
「mom飛左的去睇佢」
「好驚啊」
「o岩o岩出左去」
「聯合=.=」
「好驚」
「我呢排都係覺得怪怪地...d脾氣仲大左=.=」
「o個種不安感成日搞到我個心好似翳住翳住咁」
「可能呢幾日壓力太大」
「超大」
「我未試過壓力大到咁」
「我地幾時去澳門」
「我想去o個邊散心」

刊登時間︰2009-04-15 05:46 PM    [ 訪客留言(0) ] [ 編輯日誌 ] [ 分享至FACEBOOK ]

大懶蟲

2009年04月12日 (星期日) 晴暖

夢到熟悉的親人死亡，你在夢中非常的難過，表示你可能
有悲哀的事情降臨，也有可能自己或親友即將會生病。

在夢中夢到數字“7”，代表你最近的運勢還不錯，不論在工
作上、感情上的運都蠻順的，即使遇到困難，也會有人出
面相助，幫你解決。

Apm某食店......

(閱讀全文)

刊登時間︰2009-04-15 05:43 PM    [ 訪客留言(0) ] [ 編輯日誌 ] [ 分享至FACEBOOK ]

雞蛋殼

2009年04月11日 (星期六) 晴風

點解小學同學係要得麥麗絲有事??
個夢想點咖?? 唔好再殘忍d...
她沒有了舌頭..沒有了下排牙齒!
我將水逐少逐少的給她喝..冇一陣..
她..已過身! 躺在硬硬的床上!
不過..豈只得她一個有事..
呀媽同我一齊搵其他人的屍首......

(閱讀全文)

刊登時間︰2009-04-15 05:35 PM    [ 訪客留言(0) ] [ 編輯日誌 ] [ 分享至FACEBOOK ]