原本日記好應該記低每日所遇到，發生的一些事情，好讓腦袋放下一些，而且令「大頭蝦」的我可以從電腦中看更多更多次，回味一番。原本想每天付出少少時間，對住電腦打少少字，但係有時事與願遺，理想同現實，有啲啲的出入。我在澳洲的生活也離不開工作與學業，有時間的都想放鬆一下，去吓澳洲的唔同地方，認識多啲澳洲的野。當然我係自己選擇工作兼讀書，我可以唔做野，只係同書本單單摶鬥•﹏•。但屋企又無咁多的資源，自己都要知道又工作，減輕屋企的負擔。魚如熊掌不可兼得的道理，我好明白，亦親身了解到。重學習輕工作是一定的，分配好每一個時間，至係開始獨立的第一步。
今日在工作到聽到姐姐的一句，「咩野都會有變數，唔好咁快承諾的咩野。」聽完好似先明白依個好白痴的道理，我竟然依家先明白到，真係好遲。同女朋友分開左大半年，我一直一直無放低過，因為我真係好愛佢，而我講的承諾到依一刻我都冇諗過唔做。就算係我番左香港的短短的二十幾日，我聽到好多你的壞話，有咩唔好有咩唔好，但我對你的印象都冇改變到，你依然係我鍾意果個傻婆。即使依一次是我的初戀，但分左手我都冇咩點喊過。除左我要讀好啲書的原因之外，我亦都知道我係有機會再一次追求你，所以俾心機讀書。雖然幾年之後，唔知會唔會見番你，又唔知你會唔會已經有左形影不離的另一個。但我唔想去諗你會唔會等我三年，甚至更長；但我願意為左你一路等落去，直到冇機會的時侯。依啲都係我心入面一直有的野，即使係你家姐一路問我依家對你有冇感覺，我只好回避佢的眼神，同講話冇感覺。再者以妹夫的稱號叫我，我不知幾開心，我唔係我唔想要，而係我覺得自己唔配有依個稱呼，所以一直叫你改口。
記得每一次你問我鍾意你的咩野，我都好有心機慢慢打出黎，而又睇一次又改一次，最後搞左好耐先SEND出去俾你睇。如果你諗我係到作個大話出黎，你就大錯特錯了。亳無而問，我係有用到一啲的語言藝術去加強內容，但我可以發誓冇講過大話。每一次我講你幫我好多，但我都冇正面答過你，係因為你係我的精神食糧，所以先唔同你講。不過，每當我問你「你鍾意我啲咩野」，你都唔會答我，搞到我成日諗睇黎我真係「周身刀，無張利的」，哈~哈。係分手的當日，你係信息打好對唔住，以讀書為由同我分手。我咩都冇再問過就直接同你好和平分左手，依家真係有啲兒戲左。而我真係好想同你講一句:「多謝」，因為你令我學到更多更多的野，為另一半付出，你同我的經歷，我唔想係最後畫上一個唔開心的句號。我想聽到你講一句:「多謝」黎為我地美滿，開心的回憶畫上完美的句號。不過我相信唔會有咁的一日，因為「你」只可以係依到睇「我」內心的一面，而真正的我唔會講出黎;
直到現在，雖然冇左你的關心，你係都算係我的精神食糧。但我會隨住時間慢慢放低，每日百分之一，或者千分之一，甚至每日只係忘記你好小好小，但我都會忘記你。多謝你同我的過去，多謝你為我做過的野，多謝你為我依一個世上的可憐人停下數秒鐘的腳步，多謝你親愛的。
MEI2:
忘記你，我相信係好痛苦的。希望你能夠搵到一個真正愛你，
對你好的另一半，我相信會有依一日的來臨，最後祝你心想事
成。DSE 努力加油!!!
黑子上
|
