愛一個人原來不容易

又一次好耐冇打BLOG啦...

最近一直想打但係唔知點打出我既感受

會考之後我既日子變得更漫長...

最近我仲好似痴左線咁...

對住部電腦居然咩都唔想去做

甚至連我平時睇既電視劇都唔想睇...

只係一直對住部電腦呆...

係唔係因為我鐘意左佢既關係呢...

鐘意一個人到底會令我變成一個點既人

點解我鐘意親既人同佢地都係冇將來冇結局?

每次只係我既單戀...

鐘意一個人真係好辛苦

我記得有人同我講過...

成世人要搵到3個人

第一個係自己愛既人---我已經搵到

第二個係愛自己既人---我亦都搵到

第三個係同自己係埋一齊既人

而呢個人並唔係第一個個人...

我係到諗...

有冇可能第一個個人可以同你直到永遠...

兩情相悅對我黎講係一件好困難既事...

我好想呢個係我最後一個...

但係我諗會又一次令我失望...

呢種事畢竟對我黎講係一種奢望吧...

不過我想講...鐘意上你係我既幸福...

只要你開心我就開心

或者有一日當你有左女朋友...

我會同你講我鐘意你...

因為我唔想而家講出黎會影響我地既友誼!!

開開心心過日子吧...

p.s.呢次個題目我諗左好耐都諗唔到...

最後我決定用呢個...

愛一個人原來不容易