今日以團的週會是「擇偶 + 約會」。

真是一個發人深省的週會呀!

很多很多的事我都沒有想過的。

單是寶寶那句「不如一齊祈個禱先」, 雖然好好笑XDDD   不過, 不防學習。在做任何事前, 都先交給上帝!

很想把週會的內容放上來, 給我的組員和其他不能來到以團的團友仔睇下!  *仲有我個妹睇下啦~~

一開始, 家豪玩了個類似「人生交叉點」的遊戲, 問問題, 「是」在一邊, 「否」在另一邊。

「你覺得拍拖係咪要行街睇戲食飯?」  *竟然得班導師話「係」!

「你拍拖會唔會2個人去旅行? 」*去長洲、camp個d都算, 總之係2個人。

「你會唔會同男女朋友去d 好少人好靜既地方談心?」    etc=__=其他的忘了。

家豪之後說了,

當他和老婆(當時女朋友)拍拖時, 是希望她快樂, 和她一起, 希望她幸福。

他公告天下他倆拍拖, 是因為他要告訴其他人, 「呢個係我架啦!!!你地唔使旨意諗!!!行開d!!」

哈, 對呀, 把關係公開, 一來可以杜絕其他人, 二來也免去把二人放進試探的機會。

單身時, 做事可以不用顧其他人感受。2人一齊, 就要學習顧及對方感受, 也要知道在男女朋友有困難時要分擔。

也要記得, 在一段關係中set底線, 也要小心把2人放進試探的時候。

之後, 找了有伴之人輝輝分享。

「大家有絛擇偶條件?之前我有架!  要矮過我!」

「不過, 其實無咩用! 當然最基本既都有啦, 例如係基督徒、係女人...」

「時間管理係好緊要架! 因為你要分時間係女朋友度架嘛!」

「要記住, 無論點都好, 你地既導師係愛你地架!! 所以, 有咩記得搵導師傾!」

「我AL之後, 呀媽成日就叫我帶個女仔返黎屋企食飯!」

「其實, 點解細個拍拖家人會話, 大家又唔會, 係因為你地書都未讀好就拍拖, 做左個壞見証」

「記住, 同女朋友鬧交個陣唔好番舊帳! 」

「拍拖之前, 記住祈禱! 將你地倆個既關係交俾上帝, 俾上帝進入你地當中! 」

「點先搵到自己條肋骨....」(forget~)

之後, 又到寶寶分享。

「其實, 我都有擇偶條件....就係要肥過我!!!咁就唔會嫌我肥啦!!!」

「點知而家=.=.....唉....所以話, d擇偶條件真係...無用Orz」

「其實, 我係被邀請個個黎既....(即係被告白, 被邀請成為他女朋友), 你地知唔知我個陣同佢講既第一句說話係咩....」

「不如我地祈個禱先!」

「你地幾時會覺得自己適會拍拖??   你地要諗, 而家既自己夠唔夠成熟?  有無能耐去維繫一段一生之久既關係??」

「我發覺你地真係好enjoy d 苦戀呀! 曖昧呀! 暗戀呀! K戀呀!! 明明愛到流哂淚! 咩愛到界哂手, 仲要愛愛愛!! 」

「其實, 最能表達愛的已經係聖經入, 就係耶穌!  耶穌去醫治, 証明愛有醫治的關係, 唔係傷害的關係!  耶穌能夠令被排斥既人(患病、癱子..)重新生命, 融入群體, 証明愛不會令2人被排斥, 反而俾大家融入個群體!」

「你地又知唔知愛同鍾意有咩關係? 」(我忘記寶寶點答lu)

之後, 家豪來個總結。

「愛情中, 沒有向後, 只有向前。」

「你今次決定拖手, 下次就唔會無拖手」

「你今次決定kiss 塊面, 下次就唔會無kiss面」

「你今次決定kiss 咀, 下次就唔會絛kiss咀」

「你今次kiss咀係蜻蜓點水, 下次就係1mins、2mins, 唔夠, 就黎5mins, 唔夠, 就來個法式濕吻」

「下次, 就唔覺意咁隻手係個背脊度郁郁下....」

總之, set條底線, 如果唔係, 你就會不停向前行, 直到你跌落山崖。

「而家總愛既趨向係, 13、14歲開始拍拖」

「若大家希望永遠同男女朋友一起, 就要持守自己的第一次。」

「真正的浪漫, 是能夠包容對方缺點, 超越一切的激情, 出乎對內在氣質的欣賞。」

「要遠視, 追求永恆的愛情, 直到天國, 非剎那的激情。」

「導師是十分重要的!」

「太早拍拖要等很長時間, 難以維繫。」

「不要輕看自己, 要等一個與自己生命信仰同步的人!  不要輕易降格!」

「找一個與自己相配的人!」

其實, 導師真的重要!  在你有困難, 需要幫忙的時候, 記得找導師幫忙!  不一定要自己導師的! 相信所有導師也願意聆聽!

記得禱告呀!!   我們的愛情是一段3角關係!  有神在當中的關係!!

相隔數月, 終於連載再開~