晨早5點鍾起身,7點在皇崗集合.

搭左3個半鍾車終於去到第一個目的地,叢林野戰區.

換左件超焗既長袖迷彩衫褲,玩到出晒汗.

其間比bb彈射中左個頭盔,砰砰聲!!! 冇射d中手手腳腳.

基本上的bb彈周圍飛,40幾個同事都中左幾槍.

仲有幾百幾隻蚊周圍飛,針左幾下.

食完中午飯就上左酒店換定衣服玩川龍漂流.

4點去到,排隊排到6點先到我地玩. 漂左一個鍾.

其比人狂撥水, 兜頭淋水. 成身濕晒.

漂到第2段,仲激過機動遊戲,猛咁比D水流沖呀沖!

仲勁過長隆水上樂園果個大滑板.

成隻橡皮艇都水浸,入滿晒水.

當撥走左2/3既水走既時候,又到另一個落差點,再入返一半水.

漂左一個鍾,玩完成個人都累到爆~

仲嘔返中午果D飯出黎,晚餐都冇胃口食野了.

又暈又頭痛又手軟腳軟, 跟唔到D一天遊既同事返香港.

結果要跟D2天遊既同事在酒店留一晚.

繼續明天的行程,參觀完D竹林,瀑布食完中午飯就回程.

返到上水都6:00了.