今日同左TO , K同學 , A先生行街 .

2 PAIR 人一齊去買阿LI 的生日禮物 .

仲一齊影左貼紙相添.

 同to去左睇下d澳門 packgae , 問左幾間, 一d又話full晒.

一d又話要成千3,4果d package先有位. 一d又話冇船位.

最後,都係去返中旅買票.但都唔平得幾多jar 喎! 勝在價錢實際.

唔會收埋d,離境稅,碼頭稅之類.

 同to睇左"衰鬼上帝" 套戲都幾啱我睇.

劇情幾得意 , 不過d畫面好似假左d喎.

成套戲都ok既 ^^ .

li 排成日睇新戲, 好多戲都比我地就來睇晒lu .

要再等有新戲上先有得睇喇!

同to 去左荃豐樓下買左個router ,

返到屋企駁下駁下又好似欠了多一條lan線.

又要買多條lan線了, 遲d仲頁要妍究點用添.

 如果可以唔理, 真係懶得去理.

2個多月冇見我D同學仔喇 ! (kathy & lily)

自從拍拖之後 , 免不了會忽略了身邊的朋友.

友情與愛情要維繫得好, 就要將時間分配得好.

但係 , 如果KEEP住咁成日出街, 又會搞到個人好累.

平時返工都已經累了, 所以放工想即刻返屋企休一下.

到放假果陣又出左街 , 有時我覺得出街仲累過返工 .

結果 , 休息日又變了勞動日.  

這一陣子, 我都懶去應酬我的朋友圈子了.

這樣 , 不是代表我冇時間見我D朋友仔.

而係, 我覺得辛苦工作了 5.5 days 又不好好在家休息 ,

實在是難為了自己 . 我絕對唔適合做一個交遊廣闊既人.

不知我的好朋友們會否明白這種性格的我?

 本來諗住上個星期去剪髮 , 但又唔得閒喎 , 因約左人來整電腦 .

而家忍受唔到 d 頭髮咁長, 洗完頭梳頭果陣又打晒結.

早排又經常浸泳池水, 搞到d 髮尾好似炸過咁脆晒.

剪完髮, 好似方便打理一d啦 ! 又剪走晒d 差頭髮.

同to 睇左火拼3, 劇情嘛嘛 ,

不過大哥做d戲既劇情都係差唔多.

以打為主又要好做作咁故意安排一d笑位.

其實我覺得不好笑 , 黑人做到好誇好假 .

不過鐵塔果幕都拍得幾好睇既.

今日去左美食博覽 , 好多人呀!

迫到行唔到添 , 不過都買到少少野.

今年 d 攤位唔多特別 , 好多香港 brand 賣既野同街鋪一模一樣 .

我地洗乜專程由灣仔抬 d 野食返屋企 .

仲有賣月餅既攤位都佔左一大半了 . 有特色既攤位唔多囉 .

"小插曲"

在人迫迫既情況下 , to行行下比人從後拉開了袋拉鍊 .

好彩銀包放在褲袋 , 淨係唔見左把風扇 .

同TO去睇"叛諜" , 套戲都 ok 既 .

我之前 2 集都冇睇過 , 搞到有d人物關係都唔係咁清楚添.

如果有追開 , 套戲可能會吸引 d 掛.

同TO去左屯門up dup 戲院睇"大鼠" , 同場有勁多細路 .

未開戲之前d人勁嘈 , 開左戲之後冇咁嘈 .

睇睇下前排有個細路喊 , 喊到好大聲 , 仲要喊左十幾分鐘.

停左十幾分鐘過一陣又喊 . 到差唔多完場果陣 , 後排又有細路喊.

佢地d喊聲掩蓋了半個戲院 . 就這樣我們在喊聲之中看完了這駒戲.

同TO去左睇 Simpsons , 套戲都幾搞笑但一定教壞細路.

TO 聽到同場有個細路問媽咪 "白雪公主果幕做緊乜?" 唔知佢媽咪會點答呢 !

夜晚去左"山胡寶" 食飯 , 有得用hsbc 張 coupon , 勁抵食呀.

早上都好地地,唔係好大風.到左中午聽到外面風吹到D門都啪啪下 .走果陣又唔係好大風喎. 去到西鐵站見到頗多人排隊,車廂內都迫滿了人.好彩等左2班車就上到.如果唔係都冇咁快返到屋企.

下雨天,出出入入都好麻煩.

雖然唔係好大雨 , 但褲腳都濕濕地 , 好唔舒服.

今日睇d布紋都睇到眼都花 . 眼睛好累哦!

同to去左沙嗲王食野,叫左3樣野,

第一樣等左十幾分鐘,

第2樣等左半個鐘,

第3樣等左up to 45分鐘,

結果等食等左差唔多成個鐘先來齊 d 野食.

 Aug. 7 , 2007 (Tue)

The 2nd working day :

My colleagues taught me how to identify some kind of the fabrics . Anyway , I will try to earn more experiences in this field.

---------------------------------------------------------------------

Aug. 6 , 2007 (Mon)

The 1st working day :

Really happy to have a work today . The other side , I'm worry about i can't handle my job easily because I have no idea of the fabrics . Some colleagues said that it should be easy to learn about "Fabrics" . Hey Hey ... is that ture ? I think i should "Keep my long eyes" . <--- 這句是中文

---------------------------------------------------------------------

Aug. 5 , 2007 (Sun)

同TO去左睇"滑浪奇兵" , 建議大家不要去睇 ,因為套戲冇D連貫性,一段一段咁.故事內容又唔吸引! 淨係D企鵝得意JAR. 跟住去睇TO踢波,坐喺度都熱到噴火咁滯.

---------------------------------------------------------------------

Aug. 4 , 2007 (Sat)

同 TO & CARMEN 去唱K , 下晝去左新開果間"十大"睇書 , 好多人哬,差D冇位坐~

今日同TO諗住睇"滑浪奇兵" , 但3點後冇埸 . 唯有轉睇

"不能說的秘密"啦 , 套戲都OK既 , 不過我地都唔明個結局.

今早見左一份工 ,11 點去到 , 2點幾先見完.

足足傾左3個鐘左右 .

間公司係做布的 , 對於一個對布 0% 認知的我 ,

去見這份工都是博下啫 ! 結果 , 很幸運地成功獲聘 .

其實 , 我對布一D都唔認識 , 都擔心自己會否做得長.

而且需要了解一下這公司的環境如何 ? 是否適合我 ?

不過 , 都希望自己成功過試用期啦!

************************************

夜晚同左 TO 去游水 . 但係我仲係游得好慢囉 !

踩水都係冇進步到 , 幾秒就沉左. 睇嚟我都仲未可以出沙灘玩了.

我決定8月份開始搵工喇~

我D貯備要拿出來用了, 費事用晒先嚟搵工啦!

而且我D貯備又唔多 , 好快用晒咋!

改下改下咁 , 淨係改份履歷表都用左一個下午.

又要update 返搵工網站既 records . 好多野填咁啦~

update 完晒之後就search 下 D "AM" 工啦~

原來, "AM" 都幾熱門喎, 咁我都冇咁愁 .

加油呀~