其實都甩左d..但都仲有唔少...大約過左12日先甩晒所有焦

2/9我第二次去脫疣

其實每次洗面同脫疣既人都唔同的，洗面果個...又想sale唔知join d咩

我完全無心去聽，我只係哦哦哦咁回應算了

到幫我脫疣既人再入唻又再提起頭先果個人有冇講咩更新做埋會好d

我話有，佢問我join唔join？我話無錢...咁佢都無再提了

之後開始塗"舒緩膏"，但洗面果個人..我好清楚聽到佢叫人入唻幫我塗麻藥的

其實我覺得只係稱呼問題，佢地唔想步dr. spa後塵

今次塗好似無上次咁多，同埋無幫我蓋上保鮮紙

等大約30-40分鐘後....

今次我覺得痛過上次好多呀！幫我脫果個人話係因為較勁左個度數

同埋我上次係好凸，只係電到表皮..今次所以會痛d...

但我返屋企諗諗下會唔會係因為無用保鮮紙呢？下次叫佢加返先得

第一日返到屋企影既相 2/9

點解我覺得都好似幫我整既位置唔多呢？

我好肯定4次之後都係未搞得掂佢所講既8成囉！

我發現第一日結焦唔明顯

所以我係4/9再影多次，d結就明顯d..但其實仲有好多位都未整過

還好我已經有後著，搵到另一間係觀塘一個價錢已經包清，唯有當自己黑仔，

我完左呢道會去觀塘果間清埋佢！

我同朋友一齊開既分享PAGE，支持讚好一下呀XD