尋日差唔多訓既時候先收到電話

話聽日教會要侍奉

ok~咪早d起身去囉

還掂都冇其他野做

當我今朝9點30出門口既時候

又再收到同樣人既電話問我係

我咪照實同佢講岩岩出門口

點知比佢話番轉頭

話:[我尋日唔係叫你9點半番到黎教會既咩?]

哈~好笑啦  我就唔記得有呢樣野

番到教會10點半到  都係得個坐字 (11點開始)

可能d野已經有人幫我做左

我就呆坐係到半個鐘

聽道既時候都係冇心機聽

但係又唔想係咁多人面前訓wo

就決定搵d野做下

最後係係張程序表上面畫野

唔可以話係公仔既...logo囉

但係都聽到個講師講咩

下次又再試下先~

雖然都係好唔尊重  但好過訓啦

完左教會  番團契

之前成班團友因會考已經冇番好奈

而今次團契都只係得4個人既事(已經包括左導師)

點講呢...都叫做好難為個導師

見佢咁落力想叫番我地番黎

但係d人又唔係好想番(包括我)

有d唔好意思...

算啦~暑假咁多時間  d人應該會番黎

搞掂曬所有野之後

就同ar媽去買餸

(ar媽)目的係想我過到外國有啖好食

番到屋企比ar媽教煮餸....

自己都仲食得落  都唔算太差

但心諗  你而家教我  我到時都唔方記得

而且我亦會懶得煮 

即係二個字  [ 哂氣 ]

煮完仲要執屋- -''

目標係將我間房邊成雜物房

然後自己搬去ar媽間房訓

佢會咁樣唔洗夜晚開兩部冷氣訓wo...

唉...是但你啦   只追求有覺好訓

P.S.

今天心情一直也不好

自己也不知道是因為甚麼

我想是吧....