今日起身之後狂煲劇

都係等今晚既慶中秋

點解會早左咁多慶祝既呢

因為terri覺得  有好多人今年都會走

而且f.6後亦會難約d

所以提前係各有各忙前  慶中秋~

由於自已煲劇煲到唔知時間

7點半後先到馬鞍山   (但我地係約左7點)

但係我去到  d人都未黎齊...

仲要係未買野...

所以當齊曬人   買好曬野準備出發既時候

都已經係差不多9點後既事- -''

(蠟燭唔係時候好難買呢.....得番d裝飾蠟燭-,-)

今次本來仍打算去老地方玩蠟燭

但行到半路  不斷行錯路

最後  有一大班人決定放棄 

去上次我地考完bio會考去既馬鞍山郊野公園

而我,adrian,leo為左去搵番已經到左既terri   去番老地搵佢

去到搵到terri既時候  見到果到變得唔同曬 (係特別左+靚左)

可能係完全冇人的關係吧  之前中秋有許多人的說

地方暗左之餘  氣氛更好=]

如果佢地肯行多一陣  就可以享受到咁好既環境

不過算啦~   (我諗呢到起碼比唔到佢地爆瓶先啦...)

我地上到去  已經係10點後既事

佢地已經開始點緊蠟燭+飲緊酒

今次d人既組合好奇怪呢

我,adrian,billy,steven,cajun,ming,飯罐,ash,christy,ar ju

gracelee,慶g,niki,terri,ar天,leo,johnnie,蛋頭

雖然咁多人  但都玩得好開心呢=]

(詳情睇facebk~)

去到12點幾一點  d人都走得七七八八

但我諗住送麻慶g落山再上番黎hea

班人又話要走一齊走...

跟住就成班人一齊走= =

但係有一班就call的走   我地就行落山

(我同背住一舊大石走冇分別....)

送完terri番屋企之後

就落新港城唔知邊到食宵夜  (個胃舒服曬~)

再之後  就起程往吹波家出發

我諗去到吹波家都已經係3點後既事

大家一入到去都係趕住沖涼的說- -...(即使吹波家有兩個浴室)

一個就話浸浴   一班就直入主人房(吹波間房)沖涼

(一班的意思是: 三位赤條條的男士一起- -'')

你話同5星級酒店同浴場有咩分別...

d人搞掂曬後睇[恐懼鬥室5]

唔知係咪因為心情唔好的關係

一直睇呢套戲都不太當一回事

總之就唔恐怖啦   係變態lo...

then niki要搭的番屋企

為左幫慶g睇住佢  我同billy陪佢搭的士番屋企

由火炭去沙田唔係話好遠

但係真係咪試過  就咁著住一身街坊look,踢曬拖咁遊的士河囉-_______-''

仲要係來回果隻...  個的士司機真好賺~

番到上去  佢地睇緊之前錄既FA

突然有人話打牌   本來諗住訓既我即刻去開枱lu~

打到5點幾  d人已經冇心情打   就開始睇下電視

吹波突然開番之前錄左既[烈火大結局]

我又未睇過bo...   又想追麻落去  就咁就睇左兩個鐘

(如果比我一早知道睇兩個鐘的話  我一早唔睇!!!!)