今日一訓醒就要起身出天后

目的係要去中央圖書館做project

今次除左啊通,alison之外  多左donna大佬x]

(本來仲有jessic   不過唔記得左黎wo)

搭火車轉地鐵轉到我死-,-

11點半後  出左閘兜左個大圈先搵到佢地兩個係後面煲緊煙

donna食住二手煙一邊食早餐= =''   好野..

搞掂之後發覺圖書館1點先開門

就去左大家樂食lunch

一邊食lunch   一邊傾以前讀書d野

果然大家都係自己人...唉

食完野仲有時間

4個人去左隔離間機鋪開工- -"

我同donna只係負責入去吸咁d二手煙

一邊打nds  一邊吸...   (機鋪入面明明有好幾塊牌寫住禁止吸煙的說)

打左無奈   終於可以入到圖書館

一闖入去  第一件事就係搵ar sir想我地睇緊書

有好多本呢到都有  但亦都好多比人借走左

再唔係就只可以留係讀書館睇

(心諗....究竟呢d悶到死既文學究竟有咩值得要你地鎖係圖書館呢...)

最後係到睇邊本書最好睇  先決定大家一齊睇

但係睇既途中   四個都顧住搞機

係到玩nds版連線街霸-,-

好彩因為alison部機打到無電  先可以停止到大家打機既意慾...

then  大家都決定唔到邊本做份project

(大慨是因為本本文學都悶到死的關係吧..)

唯有再係張list再簡多次   就簡左本[香港故事]

全本書得142頁紙   平均每兩頁一篇散文

我地好似執到金咁   即刻搵下其他圖書館邊到有

(因為中央圖書館裡面有5本借得出街   5本都比人借曬...真係咁好睇?!)

發現我身邊既地方都有

上水,粉嶺,大埔,馬鞍山,沙田各有   

跟住叫ar媽係佢學校間圖書館再借一本

咁應該就可以每人一本帶番屋企做報告~

所以就麻煩了各區朋友幫我分別借番黎lu

thx 啊然,飯罐,manz =]

搞左咁奈4點幾5點  就番大埔

(咁其實都唔明點解開頭要出到咁遠搵書-,-)

去圖書館搵本[香港故事]

check左一次電腦本書係邊就去搵

但去到書架到   搵黎搵去都搵唔到

淨係見到有一格  書與書之間有個書的空位

唔係ar- -...    係香港入番黎大埔就同我比人借左?!

但部電腦顯示係個架上面  咁即係應該未比人借

唯有每個書箱都搵一次本書既存在

幾經辛苦   搵左幾架書車   終於係好多書下面搵到佢既存在

同係中央果到相比....真係殘好多lo- -''

果然係借得出街&唔借得出街的分別....

出到counter借既時候   見到ENG d同事-廿-''

仲要係同一齊上既啊B....

還記得果陣同佢地班人講我將會係ce攞到1x分

佢問到我而家點真係答到口啞啞....

我都未答完佢就走左   唔知佢仲有冇係入做呢

不過冇記錯   佢應該報左我地果陣時sell既english course

應該仲讀緊吧....

哈~忽然有點慶幸ar媽果陣無比錢我去報~