今朝個電話都未叫我起身

我已經比billy 電腦d歌嘈醒左幾次(佢通宵開住部腦...)

而且成日都覺得佢張床有d野係到咬我咁- -

(上次去佢屋企訓都係咁)

所以唔係訓得幾好

但我今日又要番工....

當我仲懶緊床既時候

billy打完機上左張床作勢要訓 (我相信佢通宵左成晚)

我就樣位比番張床主人 

然後就調位   我用電腦  佢訓覺

差唔多時間  沖左個涼就出番銅鑼灣開工

今日多左啊駿&啊柑一齊番

不過都係唔會被編排一齊做野傢啦

今日起首既位置係夾生果

人地order d乳酪要咩生果味  我就負責夾落個杯仔到

比隔離打乳酪既舊人  整杯乳酪雪糕出黎

由於成件事太個悶  所以半個鐘唔夠

我已經問隔壁個舊人  可唔可以教我打乳酪

然後就開始我既整乳酪生涯

我練左成個鐘  先開始掌握到點樣可以令d雪糕入個杯到   唔係自己隻手到-.-

然後就練點樣可以整到好靚

但練完靚  都仲要練點樣令雪糕唔會趺...

因為有次試過整到好靚   但係一比人  個雪糕成個傾斜左-廿-

最後要用個匙整番好先比得人

好彩今日落雨  唔係好多人食雪糕

如果唔係生產乳酪既速度慢好多..

做左半日到  因為天氣差  (落雨+涷)

入場睇工展會既人賣少見少  更唔好話買雪糕食

所以老闆開始放人走  (放有薪假)

當然只限舊人  我地呢d  人工仲貴過d舊人既

繼續留係到努力整雪糕

曾有半個鐘  有一面既counter全部由我自己一個睇

即係由夾生果去到整杯乳酪出黎都要一手包辦

好有成功感-v-

去到八點幾九點

經理見老闆放工  又見冇咩生意

就決定早d拉閘收鋪

但要每部乳酪機機都要洗

所以當每個人都洗機既事後  我地呢班新人都要繼續睇住個counter  (洗剩我地部機)

跟住alison,啊駿,啊柑果d就一齊過麻黎一齊睇

如果仲有人黎買乳酪  佢地就排住隊試整乳酪

由我呢個已做得完美既人監工

但我地愈做愈high~

(因為已經冇咩人係counter)

整個乳酪都high過人   又同d客傾下計

講個byebye都特別大聲d-v-

10點後  就真係連我地部機都洗lu

等個舊人拆部機d零件出黎   我同alison負責洗野

一邊洗既時候心諗:  我自己屋企d碗都未洗  要我係到洗-3-

洗完機  簽番個名  走人~

5條友諗住出mk食宵夜

原來啊駿仲約左oscar出黎一齊食

去到嘉樂坊果邊本來諗住打冷

但最後都變成掃街

仲係CD鋪前面  一邊睇占瑞文  一邊食

笑爆-v-

食完  alison仲提議話去機鋪打機

但因為就黎12點  最後都係番屋企lu

我就行番旺角火車站   諗住搭火車番

咁岩醒起啊媽話聽日想睇[Avatar]

就係旺角間嘉禾買完飛先番屋企

好彩未close啫...