尋日同飯罐傾msn既時候

得知佢前日同張民活去左朗豪坊password買野!!

知道左password出左d新野既我  就決定今日出MK行街

要人等左[陣]之後  去新之城搵飯罐&啊女

啊女同佢個FD行緊女人野

我又知新之城冇咩男人野行

就同飯罐去第二到分開行

第一站 - IZZUE

我淨係掛住四千幾蚊果件大褸

其他野都唔係好睇得上眼

飯罐又係到睇黑色褸...

第二站 - 荷李活

醒起左自己想買boot&帆船鞋

之後就留意下d鞋款

有幾對都唔錯  價錢ok  有心水想買

不過最後都係比飯罐拉左走

等下次先啦~

第三站 - cubic

自己同飯罐都睇中左d褸款

同佢係到不斷試試試試

最後佢買左件保暖既長褸   (又係黑色- -)

跟住個sale問我買唔買埋我鍾意果件  買埋就可以join VIP

我就話等我睇完其他野先

如果我係PASSWORD睇中左D褸  無理由係到再買

個sale就好人咁話  如果你等陣番黎買  都可以join

咁我就遲d先算

第四站 - PASSWORD

果然~ 茵茵都係到 (之前識落既sale)

自己都係鍾意一邊傾計  一邊買野多d~

飯罐搵番佢之前鍾意左好奈既黑色褸

為左個七折  就不斷叫我買野

最後買左兩條褲  一條灰(超彈!) 一條卡其金 + 一件黑色冷衫

淨係買呢3樣野   已經要左我成個鐘

因為要諗好多...  屋企有冇衫襯到啦,,屋企有冇相同既物體啦,,買左會唔會比人罵等等

如果唔係個sale&飯罐不斷既催促   我諗自己要用兩個鐘時間..

第五站 - cubic

搵番啊女之後  就帶佢番頭先果到

諗住問下佢意見件衫好唔好睇

又係搞左幾個字  都係忍心買埋佢

因為呢款褸我想搵好奈  二黎唔算貴   三黎我好鍾意d鈕

種種原因下  又洗多左一筆

第六站 - DR.美容集團

7點大家諗住番屋企  我就要番大埔等啊媽食飯

正要行入地鐵站之際  有個人要我填問卷(關於美容)

咁我都要等啊媽  有時間咪幫下手做下lo

點知填完要上雅蘭中心做個皮膚測試

本來我係拒絕  但係見到個打工仔就黎哭咁口

又話再做唔到一張問卷就比人炒

我於心不忍  算啦  都係跟佢上去比人sell下  橫掂有時間

(我果陣係有諗過係咪一個騙局)

飯罐&啊女叫我走  咁我都話唔緊要  叫佢地走先

同佢地講:我上個暑假做完ENG呢份工  充滿經驗 D人點樣用技巧closing一個客

我身上面 d錢又岩岩用曬  咪上去當做下好心

上到去  聽佢講先知間公司原來叫DR.   我即刻笑左出黎

因為根本就係ENG第二個department  美容集團

(ENG一個部門係教學  一個部門係美容  我暑假係入面做教學)

我望住個同事  等佢講曬佢想講既野之後

一句 : 我冇需要   就走人

成個過程15分鐘都冇  仲以為可以玩奈D....

番到大埔  就係到呆坐左45分鐘等啊媽

啊媽黎到見到我買咁多野都O左

但係冇一樣野  佢罵我唔應該買

LUCKY

不過d錢洗曬係d衫到

我部電話又要再遲d先買到...