今個星期日因為教友們唔得閒做事奉

就又搵左我做PPT

不過都好既  可以唔訓  聽完整個祟拜

完左同啊媽啊婆食飯 

唔該唔好再當我係垃圾桶好冇- -

之後同啊媽買餸  今晚同親戚係自己屋企打邊爐

我買左d汽水就上番教會先  唔想入街市..

然後就一邊摺紙  一邊等啊媽買完

幫啊媽攞完咁多野番到屋企

又要出番去中環見工  (alison介紹的花滿樓)

入到去  搵左個最大粒既同我講野

恰我恰到爆  咁少人工

雖然我係學徒啫  都唔洗一個鐘先得$1x  仲要一個月做足26日  

做m記都唔會咁少   鍾意幾時番就幾時番啦

完全接受唔到

再同佢講清楚d  係番part time

佢先提高番個價

就做住先  下星期日番工

唔掂先quit

跟住返番屋企已經見到成班親戚係到

好彩我出左去見工   如果唔係有排做- -

呢排近多左d大自己幾年既哥哥姐姐一齊(b-so camp)

而家同表姐傾得好投契  而且佢都係hku人

佢知我搵緊工  就話遲d有part time都介紹比我

開心=]

相信sem2既日子會過得好充實