晨咁早...8點半就要去到佐敦京士拍球場食風

食左5個鐘頭風   兩場裡面一次都冇落過

...

自己知自己事  自己技不如人

落場都只會拖累成隊

還是乖乖地做個永遠都唔係出既後備吧

最後一勝一負  冇緣進升semi-final

自己就即刻走人

唔想就同一班唔熟既人呆坐

之後出番元朗同啊媽食飯

食水煮魚- -"

唔辣   不過食到我胃痛 + 肚痛

(好少一次過食開咁多辣野)

食完襯有時間去剪頭髮

剪左個染頭番黎- -"

不過唔關個髮型師事   係我自己要求要剪到咁短...

有d後悔...  星期六點去jimmy婚禮見人><

不過佢剪完個頭  jel番起又ok唔錯wo

跟住出中環番工 - waiter @ 花滿樓

早左成一個鐘開工   因為見有時間多

攞住咁多波鞋波衫又唔想行街..

入到去個經理差d唔認得我  因為之前見工個look勁唔同

佢安排我做水吧   (o了...  第一日番工咁快叫我做水吧)

某人一次過教曬成個水吧點操作後  (無可能一次過記得曬囉唔該)

就開始學點樣執枱擺枱ser人  (攞碟時手震- -)

學過曬就開工

因為星期日的關係  唔多人(聽說反面平日時間會更多人)

所以d野可以邊做邊學  慢慢黎

有一次差d比人罵 

我地整可樂啤酒果d都要係客面前倒落個杯到

因為個杯既容量岩岩好裝到一杯啤酒(+泡)

次次倒親啤酒d泡都好似就黎潟咁

所以我盡量都唔會倒曬成枝  (寧願個客睇唔到我倒曬  都唔要d泡潟出黎)

但咁岩比個客見到我冇倒曬  就用好兇既眼神問我  頭先果枝啤酒倒曬啦咩

我冇辦法  咁唯有答[係]...   sor

臨收工前  緊係要做最麻煩既野 - 洗水吧

要洗下d 杯杯碟碟刀刀叉叉   總之所有用具係水吧出都要洗..

唔緊要  係屋企洗慣 

不過個洗手盤勁矮...- -"  我條腰都唔到

所以要成個上半身彎曬先洗到    痛苦...

正常洗野緊係用洗潔精洗傢啦

但係d人同我講唔洗...  除左d刀刀叉叉 就咁沖走d跡就算

-廿-

10點45放工  走人

學到好多野~

累

p.s.

忙於工作   總是可以忘記所有煩惱