尋日早左dd訓

所以今日係個鬧鐘嘈之前已經醒左=]

但依然懶床~

如果我今日day off就好啦

1點番到學校上film堂

一入到去班房o左

一間大班房(約可以裝100人)

入面有既人5隻手指數得曬-廿-   咩料?!

我又冇熟人陪我一齊入呢班

由前門開門入左去  見到啊sir又未到   就由後面走番出去

頂受唔住唔果種空曠的感覺...

最後見啊sir入去  就搵左個第二行位坐(大部份人都坐後面- -")

聽左佢一陣書  已經後悔自己點解會坐咁前

唔知係咪每個教哲理既人都一樣既呢   都係唔識教- -

永遠都講唔清自己想表達既野...

加上我已經miss左4堂

佢講果d野我完全唔明

一黎全英  二黎都係哲學   唔想明

聽聽下由原本好精神既我又訓著左

break完既第二堂睇film

套戲好睇&超吸引 (上個sem上過既人果然冇講錯~)

雖然只係由中間開始播  成套戲既場境亦永遠只係主角既屋企

但係內容真係好好睇~

講個主角係一班好朋友面前  承認自己係一個不死人

由石器時代就已經出世既佢  講番d比經歷比班fd聽

曾經同畢卡索,哥倫布等等既名人一齊過

仲提到其實佢就係耶穌-v-

跟住一一推番聖經既記載其實有d係作出黎

佢其中一個基督徒朋友發現自己一直所信以為真既既宗教竟然係假

完全接受唔到呢個事實而非常激動

更有一個朋友之後發現主角竟然就係自己啊爸

最後仲心臟病發死左

如果比著自己生存1萬4千年

我諗...  [想死]呢個念頭會諗足咁多年

望住自己身邊既人生離死別  一d都唔好受

如果係你  你又會點樣利用1萬4千年?

好似主角咁樣攞10個學位?

不斷思索、看透、慨嘆人生意義?

定係做其他更有意義既事?

前提是  

你有的  是時間

倒數3天