照常番教會的一天

雖然有人坐我隔離同我傾左陣計

但張Sofa實在太舒服  訓著左

(很認真的說  仲舒服過屋企張床!)

同啊媽&婆婆食完lunch番即刻番屋企休息

因為過多幾個鐘  又要出中環番工lu

唔知係咪天氣太濕  成個人都好攰

好準時地番到餐廳打卡

但老闆娘話我唔到最後一刻都番黎

...算  下次再早d lo

今日開工第一樣要做既係企街  派傳單

但星期日既石板街無人咁際   我企係條街到心裡面串字搵書好過

(聽日朝早就要考bio test><  應該溫唔切)

個幾鐘後  比人叫番黎做打雜  咩都要做

但狂比Halen(老闆娘)罵

事實上我無做錯到  甚至基本上我連掂都無掂過 

佢都恰我新人  有位就比佢罵

唉...  好彩我唔係靠呢份工等住開飯

就當係黎到社會番工學第一樣野  -  忍!

臨尾去到10點  都已經冇人入黎食飯

我地都準備執野收工

但去到10點半就又比人叫收工...

即係又扣人工   (做左幾個鐘  就得幾個鐘錢)

忍!!

好彩今日有食宵夜  賺番15分鐘  (食宵夜要補番15分鐘工)

咁既然天要我早D番屋企溫書

就順佢意啦~