sor啦...  雖然上星期日已經可以上番網

但係由於功課繁忙的關係

無時間許可我去打一篇詳盡blog

(我才不想呼籲了事呢)

所以直至今日有番些少時間就上黎打打

上星期既事  太多野想講  

一次不能盡錄  所以考麻幾日試後應該會補番上星期所發生的趣事

我相信我唔會咁快忘記所發生既心酸史

所以...  暫時等下啦

今日第一日考第二個學期既exam  -  英文@ STAR HALL

尋日溫書都只係草草了事  

仍然覺得識就識   唔識就唔識 

所以..  無咩盡力去溫D grammer

所以一出hypothesis..   死曬

10分裡面都唔知有1分 

不過其他part也還可以 

所以我只能說  我已經將份卷認定為90分滿分

作文就...  頭兩段還好

但一唔夠時間   一急   第三段就開亂黎

想寫[社會風氣]  變左做[society aspect]- -"

算吧..   連proof一次都無時間

考完跟住等啊通們去吃飯

很久之前就係facebk約左一齊食$5x既buffet

點知  原來係所謂既buffet竟然係旺角既[明將壽司]$5x任食-廿-

(我都已經覺得奇   邊有咁筍$5x可以食buffet..)

最後同佢地分開左  去朗豪對面既熟食市場食咖喱農夫包

好正!!超好食!!

雖然$45得一個包   但一個女仔係唔會食得曬

所以你想像下個包幾大個-v-

大約個size係一個裝滿最大size盒既爆谷   bravo~

食飽飽後去傾傾我地成大班人5月17號去既三日兩夜旅行

最後決定左同上年7月同飯罐搞既camp一樣  

三日兩夜去兩個地方    梅窩 & 貝澳   (上次係長洲 與 梅窩啦)

到信和的時候  利用梗餘既記憶去搵屋

希望唔會好似上年咁   搞到咁失敗

但基本上.. 大家為左搞呢個camp都搞到好唔開心..

拜託...  不要像小學雞那樣

因為不喜歡那個人  不要和他一起去   好不好- -

灰爆...

p.s.

記憶像浪一樣  不斷地回到岸邊   拍打著

假若   當回到同一間房子時

我會像劇集般     可以回想起那時的點滴嗎?

那個..  知道你並沒有戒掉壞習慣的梅窩

那個..  不斷跟你說對不起  與你最後一次去的貝澳

這一刻   甚麼都回來了

開心  因為你賜了這段回憶  令我人生增添色彩

傷心  因為這些色彩  已再沒有你去加上

像浪  不知不覺的   潮退了

但在自然的定律裡  我還能計算浪何時會再次潮漲

而在你而言  卻應該永遠都得不到答案吧

當浪不再拍岸 

岸  也再沒有所謂的價值

要它單獨地呆等著   那樣好嗎?