每次講到上廣州  都一定會諗起以上呢句

多謝錦錦啦-.-

今次上去呢兩日一夜 

係睇睇未來有機會升上的廣州中醫藥大學

有兩間既  一間係讀大學用  一間係實集用(附屬醫院)

不過地方相差好遠...起碼個半鐘車程

(令我諗起住london既日子..)

由於間酒店就係實集用既大學隔離

所以第一日就先參觀

食完餐有12個餸既lunch (豪華團黎- -",,但只值$65)

就入去門診部看看

開頭見到大堂果d都覺得同香港d醫院無咩唔同

但再行入d   分別就大啦

原來呢到睇病係無私隱傢!

病人d名會係部大電視show出黎(講埋你睇咩部門)

我地仲可以成三十幾人入一間病房睇醫生睇病

個醫生仲可以係病人面前介紹曬比我地睇佢咩病

跟住做推拿,針炙,拍穴......

何其狀觀

睇完呢個部門  又去第二個

令我非常興奮^^~

除左見識多左,,做中醫既目標又更堅定 :)

睇完  老師問我地去唔去買書

唔去就返酒店等食飯

咁既然黎得就更係去睇下傢啦

但原來真係有人唔想去傢bo (yr2人)

山長水遠去到  以為係大陸書城級既幾層大書店

點知...  一間細過培基班房既書店仔

不過呢個世界就係傢啦

好野永遠就係係呢d地方先搵到

唔好睇小  雖然細  但d書都多到成座山

仲要全部都係醫書  三分二中醫  三分一西醫

正!

跟住成班人就好似師奶搶平貨咁搶書-口-

堅似係咁囉...   因為比得15分鐘時間去簡書(趕住食晚飯)

成班同學又爭書  (因為根本無咩可以本本書都有十幾本係到)

練習, 教科書, key point, 圖解.......咩都搶一餐

好彩最好都買到我覺得最重要果5本

不過仲有兩本爭唔到-.-

最後比錢都唔洗$90人仔  正!

大家抱住成座書就去酒樓食飯

晏就食個lunch都12個餸   今晚咪...~~

果然~  超正~~

之後就返酒店

講少少啦...  我覺得間酒店..唔得囉

不過衛生情況還可以  算啦,,訓一日啫

快快地沖左個涼   就去第二間房玩lu~~

一邊睇住[誘情]大結局一邊殺^^

殺到差不多三先捨得訓...

廣州好凍好乾ar!!

作病中-.-