尋日咁夜先番到屋企

緊係要訓番奈d先起身

3點半既時候係張床到掙扎緊

起唔起身番團契好呢...

算啦...一黎都遲到

二黎6點鐘要去粉嶺做節

咁一來一回除左曬交通費之外

時間都唔夠洗   所以都係繼續訓多陣先

6點去到一間唔係好好食既酒樓食飯

二叔比左份超有用既免費電腦software既link我

感激感激~~

食完飯上左grandma 屋企食水果

8點半後先開始係粉嶺去馬鞍山搞第二次既慶中秋

with adrian,billy,cajun,ginny,hilda,mingming,niki,rayon,steven,tinny,吹波

係新港城搞左一輪先決定唔去馬鞍山郊野公園    (sor...係我既錯...)   

改去低少少既錦英樓上  公路下的天橋底

氣氛唔錯~全黑x]

好~開波  (果陣已經係11點後既事....)

玩左一輪  愈黎愈發覺

呢到應該係平時d公公婆婆係到開賭檔既地方

因為有好多張麻雀枱+登

仲好死唔死比我搵到兩副麻雀

搵夠腳又打牌lu~  (sor...又係我既錯!!)

完全未試過係天橋底+露天既環境下打牌-v-

繼尋日飯罐醉左之後  今日輪到billy

唔知醉左既佢想點  可以做既都做左

sor.. 係呢個情況下  我真係做唔到野幫到你

凌晨3點幾   決定走人

咁岩同niki落左便利店既我地  決定等佢地落黎

係電話到聽  要制住billy都幾麻煩下...  (聽說還要用到皮帶呢樣東東- -'')

之後落到錦英巴士站  billy嘔左係條街到  然後不醒人事

adrian&cajun落左去折的士上黎

諗住成班上吹波屋企避難

我要送ginny番屋企  就同佢地講byebye走先

行左落新港城搭通宵馬鐵轉火車

係沙田搭通宵巴士直去ginny屋企

由於通宵交通既關係  每次轉車都要等足10分鐘先有一班車

所以送到上ginny家已經係5點半既事

落到樓下  我已經諗緊係咪已經有正常既巴士開出

有係有  不過唔係我想要果架

就行路番大埔墟搭小巴歸家

番到屋企已經係6點-,-

比ar媽發現到我通宵tim- -''

p.s.

說真的  其實自己根本不想到

錯事做盡太多

愈來愈討厭自己

今日勁衰地走左maths堂...

原因係想繼續訓落去- -''

跟住繼續訓....訓到11點幾起身準備番學

本來都唔會遲到

但點知訓到傻左  飛站...

行得番學校已經遲到- -''

但今次上VJ英文堂  終於冇訓覺啦~

(可能頭先訓得太多-v-)

之後心血來潮上左10樓間dance room

點知有人...失望

then去左電腦室玩電腦

4點上麻最後一堂grammer 

去左宜家傢私買蠟燭for今晚中秋party

買左兩碌超大蠟燭- -''  基本上一晚都燒唔曬

買左一排自己識浮既蠟燭   可以浮得好遠呢~

then搭地鐵轉火車再轉馬鐵去新港城

去左富輝某間餐廳叫餸食飯

with ash,emily,adrian,billy,cajun  每人36...

感覺上好似同佢地做節咁-v-

只後meet麻niki去買未買既野

就往烏溪沙沙灘出發!!  (後插入飯罐+eddie)

今次我識路~終於唔洗兜圈啦

去到即刻開波~

用呢碌超大既蠟燭燒螢光棒

做到以下既後果~

宇宙既星星好靚x]

唔少得更係玩放火~

  火燒籮柚~

  飯罐噴火~

搭正12點之後~

Cajun生日快樂=]

第一年同你慶祝

已準備好一份生日禮物了

下次見面送比你啦~

玩多陣之後

1點幾兩點開始散

飯罐終於都醉左  行唔到直線

番到新港城完全睡死左

去左間通宵茶餐廳食宵夜

食完要搞好多樣野

1) 要搞掂eddie第二架單車  但eddie已經揸左自己果架番屋企 

2) 飯罐賴死係條街唔肯番屋企

3) 送ash番屋企

4) 平服billy心情...

全部都係飲酒累事....

我幾時先可以好似佢地咁醉

搞掂曬  搭的士番沙田第一城with adrian,ming,niki

送完niki番屋企自己行番新城市搭通宵巴士

4點後先番到屋企  5點先訓

p.s.

始終  我不喜愛被人無視的感覺

你回來的時候  可以令我拾回被人重視的感覺嗎?

影完日出之後  打算走既時候

見到一班老人家打算落海游冬泳- -''   恐怖...

六點半既時侯行番到新港城

本來諗住如果飯罐起身  睇下佢得唔得閒落黎陪佢食早餐

等佢覆我msg既時間  行番尋日由沙田去馬鞍山條路   (一半啦..唔可以話成條路既)

唔係無聊無野做...  只係想搵番d野

行左一個來回  8點返番黎新港城

見飯罐仲未起身覆趨msg  就先決定番屋企訓覺

繼gradin後  第二次咁早番屋企-v-

然後就昏睡....

訓到3點到  ar媽撐我起身

因為佢book左旺角帝京酒店食buffer補番慶祝我生日

就特登搭火車去旺角

咁岩見到今日[FAME]上映~就問ar媽食完睇唔睇戲

就決定睇lu~

我開頭冇點樣睇個trailer   以為會好似step up果d咁

點知又唔係  所有藝術都係曬到(唱歌,跳舞,做戲,音樂)

因為我抱住想睇跳舞既情況下睇呢部戲

未免都有d失望  但又領略到唔少野

從小  我已經知道

如果我要做一個舞者  我必須要做到非常突出

才可以到達專業的水平

而然  當我被爸爸因某些原因禁制我再跳舞的時候

我已知道  這只能變成我的興趣

不能談上我的理想

到現在回想從前   感覺上挻無辜的

可能世上就此失去了一個對跳舞有熱成的人

現在想學  也學不了

可以做的  便是找一個無人的地方  跳一段爛舞

有點懷念從前培基LG的 Dance Room

在那裡  我總可以完全的放鬆

若有一個機會  我真的希望能夠再此踏上華麗的舞台

跳一段  能夠受人認同的舞

Happy Birthday to Me~!

今年多了hku既人慶祝我生日呢~

雖然只係簡簡單單咁請我食lunch

但滿心感激=]

放左學之後

自己搭火車轉小巴去吹波家慶祝

with Adrian,Billy,Cajun,Duncan,Emily,Fan罐,Gracelee,Ho ming,

吹波,sally,yuki,ash,niki,steven  

未試過咁多同學一齊慶祝自己生日呢~

(真係估唔到有咁多人黎...)

享用左一餐非常豐富既打邊爐

必須要感謝吹波一家   thx x]

人地出錢買料比我地打邊爐

仲要食完野唔執  心裡面超級唔好意思    (而家有d後悔...)

因為大家最後都比麻雀吸走左lu~

之後熄燈果下真係嚇左一跳- -''

(大慨本身玩緊鋤大DEE既關係)

今次有兩個蛋糕呢~

   THX XD!

  多謝NIKI的禮物 x]

咁樣  就渡過左第17個生日

真的非常感激大家為我安排所有

love you guys!!!

深夜12點  選擇了行落山歸途

with Adrian,Billy,Cajun,Ming,Niki

到了火炭火車站見仲有火車

大家一齊搭去大圍搭馬鐵去第一城  (Cajun番錦英)

分別送了Ming&Adrian&Niki番屋企之後

本來諗住搭的士番屋企既billy話時間仲早

諗住行多陣先...

點知就同佢由沙田第一城行左去馬鞍山新港城

.....- -''

兩點幾去到新港城佢真係搭的士走

我就唔知點番屋企...

本來billy都叫我上佢屋企過一晚夜

但係唔想billy比佢ar爸ar媽罵  就硬送左佢上的士

自己唔想搭的士番沙田搭通宵巴士

又唔想行多次咁遠水路番沙田

就決定係馬鞍山過一晚

(其實只要等多兩個鐘  就有第一班馬鐵)

行行下就行左去烏溪沙沙灘

開頭有d驚  唔係驚比人打劫

反而係驚有警察既出現- -''

未夠18歲學人[蘭]街?!

最後行左去碼頭

見到都有d人係到釣魚,傾下計,打下車輪咁

就搵左張[床]陪我渡假餘下幾個鐘

我做過d咩呢?   其實都唔係好多

影相+訓覺  完

濕氣勁重-_____-''

不過影到好多靚相~ 

影麻日出tim ar!  不過見唔到太陽既日出lo-v-

thx billy陪左我一整晚x]

尋晚約左啊然今日一齊番學   (佢住粉嶺的)

第一堂係要番8點半

所以要7點15分到係太和火車站等

(但我尋晚2點半後先訓-_____-'')

起身果陣  好有岩岩先訓得著既感覺

痛苦...

但係早番學既時間過得好慢

陪佢煲煙+食麻早餐都仲未夠鐘上堂

...感覺都幾好既  不過唔慣早到lo-v-

(其實本身有諗住打比飯罐你睇下去到邊  如果打左比你  你就唔洗遲啦~)

上左第一堂人類學之後

第二堂人類學頂唔順訓著左

訓覺途中發現  坐我隔離既啊然&隔離再隔離既同學都訓著左- -''

係呢堂學懂了如果當你成班人跌落一個荒島既時候

一個冇油既火機係最幫到你生存...

而一枝槍係最危險

另外  當miss要我地畫個graph出黎形容自己一星期既開心唔開心

而見到我條線係幾咁上下波動既時候   佢感到好震驚...

係到安慰我&教我應該唔好咁唔開心- -...

但我諗  我都係鍾意憂鬱既感覺多d

之後4個鐘既空堂

開頭同飯罐係淘大周圍逛

1點後就去greenbox唱k~~   with 飯罐,eddie,ar女,謝健熙

雖然我又係免人頭  但係比個伙計搞到唔清唔楚

最後重要出錢買一個未來免一頭+一夜自助buffer

...

4點番學校上中文堂

本來都仲上到堂  係到學聲調

但係去到中間訓著左 

一醒番已經係學緊平仄

[生炒靚牛腩麵一百碟]    一共九個調....

上完堂再去番淘大唱多陣k  (冇人趕佢地走的說)

之後就出旺角做節

食左好多野  不過質素麻麻...

多謝姨媽既生日利是=)!!

p.s.

整日都對自己說  不要對自己的日子有所期望

可能是  自己真的想感到驚喜

亦可能是  不想希望愈大  失望愈大

你會親自跟住說一句祝賀語嗎?

若果最後我是會失望的話  我不會怪責你

因為  我明白是多麼的難以開口 

就像我當天一樣的  說不出聲