下午兩點約左adrian出旺角行街

又遲到....唔好意思呢   我會改的啦~

adrian就係機鋪打住機等我

入到機鋪超唔好意思望佢....

等佢打完鋪機去荷李活xx

一個專買男仔西裝款既商場

(女裝都有d的  不過真係西裝囉)

入到去o左-廿-'''

好後悔自己係izzue買左件咁貴既背心....

d款多到...仲要係兩層商場

多到唔識揀  唔知要揀咩~

行左好多個圈先叫自己冷靜d 

諗下自己真係需要買d咩

最後結論係: 一條綠色tie  一對白色鞋  不是必需一條的belt

白色一入間商場就比我睇中左

但係比自己冷靜下  睇下有冇其他款

最後都係買番果對~

而且超平!!!!  $200有交易!!

著一次都抵啦~何況果個look普通出街著都仲得

開頭同adrian執著緊要尖頭定冇咁尖頭

最後決定交左比家姐

佢話冇咁尖會好d (理由廢事打)

就聽佢話買左對冇咁尖~

至於我想要果隻綠色tie就難搵好多

亦都諗過:如果成身白色+條綠色tie會唔會好怪呢...

不過算啦...果到d tie又唔貴

買條比自己日後用lo~

跟住就滿足地番沙田ntp

我就繼續換番我件izzue黑色背心

(因為之前冇貨+要比佢人手再釘過粒鈕)

但係張單唔知點解係飯罐到...

就要等佢由屋企落沙田比我

好彩佢順便都要去深水涉考筆試~

咁就唔洗特別要佢出黎

then就陪adrian做番佢要做既野

先去G2000攞佢條改過既褲

再去UA戲院買佢聽日同ar爸ar媽睇戲既飛

就去商務邊睇書  邊等飯罐lu

搞掂曬izzue d野之後

再陪adrian行一間[itial]既鋪頭睇雙層背心

挺好看的說~但佢鋪頭果陣香味我同飯罐都頂唔順

adrian就話覺得佢好香....

搞掂兩個好煩既sales之後

飯罐就考試  我就同adrian行番第一城搭73A

好熱....焗死

好彩等到格冷氣巴啫~

p.s.
一個人的生存  可以是一件很快樂的事
但為了不讓最壞的事情發生在自己身上
就乾脆別讓最好的事情發生

自己從前都很怕分離
心想若是所有最要好的朋友都住在一起
那是一件多美好的事

但若果分離可能令更多人得到快樂的結局
那灑脫的決定  會是一個更好的選擇




即使自己是多麼的害怕孤獨

番完教會

家姐&ar媽同d寒暄[一陣]

就同教友去食一間泰國菜的餐廳

本來想成pizza的

但家姐唔想食一d佢果邊有既野

就守轉食一間我都未食過既泰國餐廳

間餐廳挺有feel的說

食既野都好有泰國風味

(估唔到星期日都有學生優惠-v-~ 仲要唔洗睇學生証)

本來見到果碟野咁細碟應該實食唔飽我地5個

但係大家share食果5樣野  又ok wo~

埋單竟然每人$30咁平 

下次有機會再去試下先x]

食完飯同家姐join番ar媽去行街

佢地去左間專賣髮型屋既野

見到家姐想買染料染頭

自己都想買番去玩下

(諗番係飯罐曾經講過我個頭適合紫藍色)

但諗到自己未考完oral  就遲d先算

跟住家姐又係到睇下d直髮夾

係到睇唔岩心水去左第二間

咁岩去到呢間鋪頭係有ar媽既家長係入面做

佢sell某個直髮夾既時候話可以比個員工價我地

我同家姐都試過個夾

真係夾到我條陰好直的說!!!

跟住家姐都話ok  咁就買左番屋企lu

不過唔知當佢番左英國既時候  我可以點用呢....

遲d先算~

then佢地去買餸for今晚打邊爐d野

我就番教會hea陣先

大約兩個鐘後  就攞住勁多袋番屋企

討厭ar媽整左一穫我超唔鍾意的辣椒湯低

我並唔係怕辣or唔食得辣

係我爆唔鍾意辣椒果隻味....

係無辦法的情況下食飽....

今日都係同飯罐行gradin野

去左旺角遊朗豪坊

飯罐有著兩個目標

一是黑白

一是結婚的全白

但上身都是要背心的...

兩個由最高行到最低

能夠入到間鋪頭睇衫得幾間

首先第一間先一間全賣男仔衫的鋪頭

意外發意了長褸~

但同飯罐分別試了都頂唔中順...

唔知係唔係因為今日著d衫唔襯件褸呢

去到Password 見番茵茵(識得的sales)~

佢不斷sell衫比我同飯罐

唔知飯罐點諗啦~ 我就覺得d look唔太似gradin d衫

不過款還是挺好看的

最後都係睇定d  走了

then去了izzue

都係試番一d同尋日差唔多的款

飯罐決定買結婚look

但為左見靚女姐姐一面

就特別番沙田間izzue買

但咁岩去到間izzue  個靚女姐姐放飯

就搵左第二個姐姐serve我地

再次反轉izzue一次~ (都係試麻一樣既野)

試衫試衫試衫試衫試衫試衫試衫試衫試衫試衫試衫試衫試衫試衫試衫

試衫試衫試衫試衫試衫試衫試衫試衫試衫試衫試衫試衫試衫試衫試衫

試衫試衫試衫試衫試衫試衫試衫試衫試衫試衫試衫試衫試衫試衫試衫

最後我同飯罐都買左一件同色同款既白色背心

擺明同佢撞穿同一款的說~

你地果日唔好講我同佢撞衫ar!!

睇睇錶  本來呢個時間應該係鑽石山番團契的

但為左飯罐-v-(呢個係藉口)

同麻我既鼻敏感超頂唔順

都係決定唔番lu...  後悔...

(今日個節真係想死...我覺得今日起碼打左50次咳痴  飯罐sor呢...)

然後7點45分去到石硤尾同婆婆食飯

因為ar媽同家姐係到行街+[迷路]

所以遲到8點45分先黎到

同行食飯既舅父由等佢地果刻直到佢地黎

都不斷向我轟炸  說我ar媽的不是

心諗:唉...唔知佢啦  我又唔係佢  你轟炸我冇用傢wo....

等到佢地兩個黎食飯

舅父又隻字不提轟炸我d野...- -''   算點?

仲諗住有戲睇....

食飯緊內容都係講我家姐d野

我ar媽又講到佢識得飛咁仔

令到我覺得好無地自容囉!!

得啦~佢去到英國讀大學  我唔得

我而家出黎成績死緊傢啦

實擔心死你啦! 我唔掂傢啦!!!

你想我點??

今日約了飯罐係沙田見工+行街

先加插cajun,gracelee

去好運間burger king見兼職店務員

我同cajun先試一下佢地d餐

都認定左d薯條係好食過m記

但係挺多缺點的說

- 出餐時間奈

- 有特色的burger  但沒有特別的好味

- d餐唔值呢個價

- 雪糕m記好食n倍

食完之後  飯罐先去攞表apply

就發現大家都係冇筆填表- -''

正打算打比sally問下最近間文具係邊

gracelee就加多一句:[咁不如索性叫麻佢落黎in啦!]

最後sally就帶多幾枝筆落黎in

點知大家交表之後都唔洗面試....

咁就唯有番屋企等消息

之後男同女就分開行街lu~

係izzue停低左試衫

話係睇中衫而停低係假既

見到靚女姐就真既- -''

飯罐試左幾輪

最好睇都係結婚look

但係佢又唔太想要呢個loook

就再遲d決定

另外自己就覺得自己著咩都差不多的說

個人認為白色背心好睇d  有d人就話黑色

唔知信邊個好......

比個意見我吧~

番到屋企

見到由英國讀書放假番黎既家姐

靚女左wo...  都冇我想像中咁

兩年冇見~變左好多

尋日收到iris電話

佢話想邀請我做一個話劇既角色

好奇怪地  我然為係from成級既野

咁就應承左佢

點知去到...

成班love班- -''

原來係love班做既drama

成個班房雖然差唔多得十個人

但係個個love班 得我grace既情況下好怪....

我問點解搵我做呢個角色

佢話咁樣唔會撞角色wo- -''...

ok....

做完一點幾

本來打算去飯罐屋企hea

(因為夜晚會一齊幫張民浩慶祝食飯)

但係佢要同張生買野

某種原因下  唯有搵第二個人投靠

最後就去adrian屋企

當然去到都係hea啦

睇左套鬼片[The Dark]  (超無聊的片子)

玩左陣wii  傾左陣電話

打左陣psp  訓左陣覺

咁就hea左5個鐘....

(無辦法啦...adrian顧住打機)

跟住本來打算訓到7,8點先起身去食飯

但係比karina迫左出沙田新城市行街

原因只不過係佢唔想一個人遊街

....

行左一兩個鐘到就去娛樂城打邊爐

with飯罐,張生,karina,eddie五條友

食野果陣氣氛怪怪的....

算啦~都唔關我事的說   我亦懶得去理

最後就黎走果陣見到d野淨

為左令到感覺上冇咁浪費

我地大玩四寶丸~

完成~

這才是真正的四寶丸

感覺上的確冇咁浪費吧x]

食飽飽之後去左隔離機鋪打機~

我只係玩左陣槍game就迷上左另一外機

唔識點形容  但玩落唔好玩既...

睇人玩就好似玩得好型咁....

送完佢地上車番馬鞍之後

諗住落70號巴士番屋企

但好奇怪地搵唔到個巴士站

明明之前成日都係係娛樂城出面個巴士站等70號

過左五分鐘之後  先醒起70號巴士早就在一年前消失左

咁為有由娛樂城經沙田運場咁番第一城搭73A

p.s.
又回到這個巴士站
無論即使自己多麼的不情願
始終都要回到這裡等候73A
這不是唯一一個途徑回家
我想是內心迫自己回到這裡等待吧....

心裡是多麼想在等待這30分鐘的時間
你是可以突然在我身後出現
即使明知是沒可能的事
自己每次等待的時候都在期盼著

等待的時候  我也在想
73A會否像70號一樣  在未來的日子消失
但若果真的如此  我想我也一直會在這裡等下去     
直到一輛真的適合自己的巴士回家

徙勞的等候  是給自己一個回想與你一起的日子的藉口