今日返學,睇到sam sung同我都係剪左頭髮,正,起碼有個人陪我!返學都係一樣!冇咩特別!d同學都係一樣咁癲,我一入學就知自己入左一間癲既學校,不過唔緊要,因為我都係癲既!中文份卷有d唔記得,不過我問左雨盈姐,佢都同我一樣,都係有d題係撞既!到左午膳先正,笙兄其實知道午膳有二胡班,不過佢同我講:「培man,今日其實有二胡堂,不如我地都係唔好去囉,反正宜家去比人罵得仲勁。」我覺得我識左笙兄咁耐,佢終於講返句似人講既說話啦!我同佢一齊唔去,我居然可以發揮一下自己既演技,扮死亡筆記夜神月死既時候,我扮得好似!yeah!我仲同笙兄扮夜神月擊敗左L既時候!放左學,去打陣table tennis先!正!我睇到一個VIII9(4) XXII16(02) II18(1) XV17(3),佢直情變到好似另一個人咁,平時既佢,簡直成個陽光少年咁!不過宜家佢遇到一d我之前遇過既野,不過我冇佢咁嚴重姐!唉!節哀順變啦,朋友!返到家,臨到門口前,我都會作出推理,睇下家有冇人,我由家外望入去,係件好難既事,不過我既推理係90%準確!好地地做咩開盞咁浪漫既燈呢(係我家咁多盞燈中,呢盞比其他燈較為有小小浪漫,而唔係真係好浪漫!)呀媽又招呼朋友黎家,我一打開雪櫃,點解我d汽水變曬做啤酒嫁?冇左汽水!咁人生仲有咩野意義呀!佢d朋友仲勁,食煙又劈酒,救命呀!頂唔順呀!我好唔鍾意d食煙既人,我一聞到煙味,我就會發癲嫁啦!我要求政府制定全球禁煙,邊個食煙就比我用死亡筆記記低個名!邊度食都唔得!我就快窒息嫁啦!邊個可以比d新鮮空氣我聞下呀!救命呀!
|
