今日,我又係早左起身,唔知點解,一起身發覺今日要返學,就覺得好唔自在!簡直好似夜神月比L發現左本死亡筆記咁!返學前,又係等花生醬之類既好朋友(有d唔係,呢句野好奸)!返到學校都係冇咩好講,唯一o嘴既係連今日既小食部都要用埋英文講,我知道振兄d英文唔係太ok,所以就同佢一齊買野食!午膳冇野好做,咁就浪費左成個午膳!放左學,本身打算等埋tousan,不過我答應左呀媽要早返,所以就唔等得,好慘,本身打算邊打乒乓球邊等!出到學校門口,出現左夜神月對L既鬥爭,minnie同呀yip做咩呢?我當然做流克,兩邊都唔幫!返到家,做左冇幾耐就ko所有功課!yeah!係件好事!呀爸買左我最鍾意食既朱古力,正爆!不過我食朱古力都係有個習慣,不過呢個習慣講左出黎會比人打!都係算啦!唔講!明天jackson哥哥接我放學咁high,不過問題係唔知佢接我放學定係我接佢放工姐!
|
