今日,訓到好晚先起身,我love呢種感覺,因為唔係成日有得遲起身,成日都要返學!起身做功課,人生不樂也!日日都係功課,好想快d過左個考試,因為考完試有得同振兄同城城打機,正爆!唔知我輸定贏呢?做完功課準備出去打網球,正!如果有班際網球比賽就正,話唔埋1D都攞第一!上次睇死亡筆記打算學夜神月打網球姿勢,不過好可惜個鏡頭只係影住佢個頭,都冇影到佢既姿勢,雖然邊打波,邊諗佢同L既下一步對戰!去到打網球前,食拉(面),正!諗返起琴日食pizza hut,個批正爆,d湯都正爆,d肉醬意粉都正爆!不過呀媽居然話唔好味,哼!呀媽你都唔識enjoy!入返正題,食完野去打網球,居然落雨,xxyz!去老豆公司打機,yeah爆!教練部電腦個桌面唔係費達拿就舒拉寶娃!好正(對於佢黎講),師兄(網球師兄)paul哥哥又去左美國做野,仲打算下次同佢打返盤!等老豆做埋d野同佢一齊放工!返到家,不停咁溫科學,諗返起琴日,我用電話同笙兄講話我會溫到凌晨一兩點,不過事實上十點就訓左,佢話會同我一齊溫,唔知佢有冇咁戇居呢!假如同佢咁講,佢實打死我!今晚要打PS2!
|
