| «‹ May 2026 ›» | | S | M | T | W | T | F | S | | | | | | 1 | 2 | | 3 | 4 | 5 | 6 | 7 | 8 | 9 | | 10 | 11 | 12 | 13 | 14 | 15 | 16 | | 17 | 18 | 19 | 20 | 21 | 22 | 23 | | 24 | 25 | 26 | 27 | 28 | 29 | 30 | | 31 | |
|
2010 年 1 月 26 日 星期二  |
| 習慣 |
分類: 未分類 |
開始被你改變了我的習慣
只要你返學嘅日子，我每一朝都會聽到你嘅聲音，呢一樣野成為左我嘅習慣，
聽住你嘅聲音，每一朝係電話裹面陪住你買早餐，陪住你等車，陪住你返學。即使自己前一晚幾夜訓都好，都想可以係呢一段時間好好陪你，因為，總是覺得自己對唔住你，比唔到足夠時間陪你。
習慣左被你當八哥，但我怕有一日真的有金毛嘅出現，怕你唔要我呢一隻醜陋嘅八哥，八哥又點可以同金毛比較呢，只求我呢隻醜陋嘅八哥可以成為你嘅最愛。
我地一齊左五十幾日啦，但係呢一個星期，總係激嬲你，因為你嘅怒火，先知道自己原來已經到左不能自拔嘅地步，就係因為不能自拔，所以每一次你唔聽我電話，你唔覆我信息嘅時候，我都怕你會同第二個一齊，怕自己又一次受到傷害。
明知道自己唔係一個好男友，都仲係要你跟我，明知自己唔可以比到物質上嘅所有野比你，總係要充大頭鬼，總係做埋一定唔理智嘅事。
好怕我地關係改變，好怕你會碰到另一個比我更有能力照顧你嘅人，好怕自己嘅無能成為我地中間最大嘅問題，怕嘅事有好多。
今日同同學過左龍門居食野個陣，soso話大家都好接受你，話你好nice，話如果個晚大家可以玩得長時間丁就好，話你係一個好女仔，叫我好好咁對你，話左好多野，最重要就係，我成班同學都覺得我今次冇選錯對象。
|
|
