6-7-09

我太不濟了,,
最近流行眼淺嗎??!
以前都未試過咁...
爛左鏡又想喊..
今日係last day又想喊,,
見番張成績表更想喊...
唉,,太失敗啦我-v-''
心情都唔係好穩定...

朋友們,,好對唔住...
我知我做得唔好,,
多謝你地ge包容...
 

5-7-09

今日D心情麻麻...
塊鏡爛左,,好唔開心...
雖然唔係好鐘意...
但當佢跌落地下果1刻,,
我真係好唔開心...
我真係好想喊,,
但係條街到喊好樣衰-3-
而且有fd係度...
真係忍得好辛苦...
完全唔想再講野...
其實都唔知點解咁唔開心...
唉,,佢又唔係特別有紀念...
又唔係人地送ge,,
只係1件買左又後悔,,
但又唔想嘥ge鏡...
點解我都可以咁傷心ga??!

2-7-09

唔知點解,,
明明有好多野都打...
但卻唔識點講出黎...
明明諗清楚自己想點...
以為自己了解自己,,
但當人地問起...
卻唔識點答...

其實日日都有好多問題...
日日都諗左好多答案...
但就無辦法去表達...

最近ge問題就更加多...
之後諗得好清楚...
但慢慢就覺得自己好似做錯...
+星個件又係咁...
係咁諗點解當初唔試下...
到而家又唔知自己想點...
我知自己係面對唔到好多野...
但又扮到好似好叻咁...
我以為自己可以唔諗感情ge野...
但原來最後我都係可能做到...

而睇番之前...
對細謙,,對小煌同+星...
我到而家都唔知自己對感情係點...
係1個容易鐘意人ge人??!
定還是唔係...我仲未搵到答案...
從對細謙ge角度黎睇,,
我絕對係1個容易鐘意人ge人..
因為唔使2日,,我已經鍾意左佢..
但對其他人黎講...
我就唔容易鐘意人...
不過呢排+星無點搵我,,
我又覺得有D唔習慣...
究竟係唔慣無左被愛ge感覺,,
定係我慢慢又鐘意左佢呢??
到而家我都唔清楚...

曾經有人講過,,
襯而家,,咩都試下嘛...
可能慢慢會有feel呢...
我唔否認我唔想咁做...
但係我最怕係自己會對愛情呢樣野麻目左...
當1次又1次咁受傷,,
就會對呢樣野有避記...
或者係因為我怕會受傷,,
所以總係回避呢D野...

之前家姐都講得岩,,
而家呢個年紀ge人唔會諗得太遠...
所以當時我都覺得自己岩...
不過又諗番之前果個人講ge野...
我又好驚自己錯過好多...
真係好矛盾,,
1方面其實係好想..
但另1方面又好驚...

到而家打完我都唔知自己想講D咩,,,

其實呢個blog真係好好..
因為無咩人無睇,,
亦都唔會留意我打ge野...
所以好多野都可以打...
唔似xanga因為有好多人會睇而搞到咩都唔敢打...

30-6-09

前2日上唔到網''
我諗係比電腦壞左咁慘..
開左都唔會得=[
今日唔知咩事上到^^
哈哈,,好開心...
補課補到悶,,
係咁搵人sd msg...
點知無人理我囉...
灰爆,,個個唔使都番學...
大曬咩??!-3-
同wingina,,polly去M記...
之後行左陣,,
去左polly屋企...
多謝曬你ge雪糕^^
5點幾番屋企...
7點幾同chily,,precy&佢個fd去游水...
見到好多識ge人囉...
哈哈,,我要減肥xDD
聽晚好想又去呀-3-
唔知得唔得呢??!=D

25-6-09
-322

11點幾先起身''
2點出左灣仔搵家姐...
行行下對鞋爛左-3-
去買左對拖鞋...
之後又行下買下..
咁又用左$100啦- -''
之後去左香港公園..
同家姐影左ok多相^^
好攰好熱,,不過好開心=D
6點幾去左食麥當當...
之後去左搵呀哥,,
行左去玩具街..
俾我搵到鋼牙把扇...
不過之前買左把,,唔買得=[[
8點幾番屋企=]

26-6-09
-321
11點幾身''12點同家姐出mk..
去搵呀哥,,周圍行...
俾佢地呃左上條超長ge電梯-3-
去旺中,,買左對鞋同褲...
行花園街=]之後去麥當當...
5點幾去尖沙咀...食沙爹王...
自己1個行九龍公園等呀哥...
行左2個鍾,,俾我見到青蛙xD
之後去HMV hea左陣,,
搭MTR搵家姐,,10點幾番屋企=D


呢2日都好開心,,
因為可以周圍行..
香港公園同九龍公園都好令=]
好多野睇..好得意,,好好玩=D
不過用左家姐佢地OK好多錢...
覺得有D唔好意思/___\