今日起身，天氣勁潮溼,天陰陰咁…

勁冇心機返學，乜野都唔想做，只想打下機or睇書…

不過現實d啦~返學!!上堂冇心機。聽書?唔好講笑，

所以不停同人傾計囉~William wong 叫左我二次起身答問題，

二次我都唔識答，但又死唔認錯，仲扮到好串咀tim~

唉~要控制下自己先得。之後派hist. 得44分炸，可惡~

好對唔住某人對我既期望呀，抱歉。

之後唔知點解心情變得好差，想笑都好難笑得出，

可能係天氣既影響，又可能係……總之好唔開心啦~

放學落雨，冇帶傘，三寶佢地又話冇帶，我惟有黎個英雄救(美)?

同肥駿，智障一齊返我屋企，諗住玩一陣結他架嘛~

點知我冇鎖匙，借左比阿媽，冇門入，走~!去左圖書館睇書，

留左幾個鐘，用三寶既圖書證借書，唔該哂~

之後就歸家，個衰樣好狼狽tim~阿媽即叫我沖涼，

我唔鬼採佢啦~但係佢又o係度嘈生哂~煩。……

咁又過左一日喇~ 唉~ 悶嗎? 悶。