今日原本唔諗住溫西史，但返到學校ｄ人好似痴哂線咁，好多人都狂溫書，前後左右ｏ係度Ｇｅｒｍａｎｙ、Ｆｒａｎｃｅ、

Ｒｕｓｓｉａ．．．我聽到一舊舊，頭暈暈甘．．．琴夜已經夜瞓，因為我好努力咁上網睇關於西史果ｄ資料，睇到１點幾，

但阿哥都未瞓，仲煮雞蛋一齊食添，^_^ 於是我打消唔溫書既念頭，加入瘋狂溫書團，總算對自己有ｄ交代啦．．．

第５、６堂去ｈａｌｌ聽講座，學校請左【君比】黎講野，起初我好驚訝點解鼎鼎大名既【君比】會黎善德，有ｄ興奮，

仲有ｄ想快ｄ見到佢。終於好快佢就出現，係一個幾老既女人，但都好想聽下佢有咩野講。演講開始，『各位同學大家好』．．

係一把平淡得黎又有種冷漠感既聲音，聲線由頭到尾都係平穩，完成無高低起伏，扮酷嗎？頂∼成幾百人聽佢講野，

投入少少俾多ｄ感情得唔得？！好似好唔願意甘，死死下甘．．．聽佢講左１分鐘就已經唔係咁想聽，但我尊重佢──唔瞓覺，

結果坐到我屎忽痛先可以走得，唉∼對【君比】既印象差哂添，但佢ｄ書又真係幾好睇ｇｅ．．．

　　中午ｍａｔｈｓ堂，溫書溫書又溫書，阿ｓｉｒ一於好少理，結果西史有３頁無溫到，因為要背太多變態野喇，

知道無能為力，又冇心冇時間，所以唯有放棄。放學ｔｅｓｔ，好多都係老吹ｏｒ亂填，如無意外應該合格唔到，但有２０分掛∼

但無論係幾多分，我都一於好少理囉，因為一早就已經諗住放棄，有比心機做哂已經係賺左架喇．．．　（完．．）