琴晚同屋企人鋤大DEE,由10點開始~3點終結,足足玩左5個鐘頭,好興奮呀~

因為我係大輸家,輸左百幾蚊,呢次仲唔係hapi new year,開心死我囉......= =

開始既第2局,我就被炒,之後d錢好似拿哂黎填海咁填,一直輸輸輸...其實咁多年黎,

每年我地一家人都會賭錢,而我永遠都會係輸果個,因為我對上既爹娘等都係高手,

我次次一路玩一路都俾我阿爹罵我笨蛋,但我邊會介意呢,只不過係我中意輸錢之嘛~

你吹呀~車車...好叻咩,輸錢之嘛~年年都係咁嫁啦,我完全唔驚囉,輸錢係我既專長...

　　今日12點幾起床,一張開眼就開始望下我既龜竇,太雜亂喇,咩都唔理,收拾下先啦,

汁汁下,阿叔黎左拜年,突然開左我房門,我五官不全咁既樣,佢望左我一眼,就同我講,

你又高左喇喎~....唔係掛~我坐係張床汁緊野,你咁都睇到,好勁wo~~

　　下午,我好悶,於是同兩個妹去葵芳行街。佢地兩個睇衫,我就等佢地....Zzz...

之後我地就去網巴玩勁舞,狂玩2小時,我有少少進步左,唔錯!!但我d利是錢,唉~

我諗交完d爆左n分鐘既電話費後(2個月一齊俾),唔知d利是錢夠唔夠俾呢~~

呢個果然係一個黑色新年,越有錢,d錢就越去得快,好黑仔呀~~睇黎我都係日日食麵包,

節省返d錢黎交電話費喇,唉~~太窮喇......