琴晚同屋企人鋤大DEE,由10點開始~3點終結,足足玩左5個鐘頭,好興奮呀~

因為我係大輸家,輸左百幾蚊,呢次仲唔係hapi new year,開心死我囉......= =

開始既第2局,我就被炒,之後d錢好似拿哂黎填海咁填,一直輸輸輸...其實咁多年黎,

每年我地一家人都會賭錢,而我永遠都會係輸果個,因為我對上既爹娘等都係高手,

我次次一路玩一路都俾我阿爹罵我笨蛋,但我邊會介意呢,只不過係我中意輸錢之嘛~

你吹呀~車車...好叻咩,輸錢之嘛~年年都係咁嫁啦,我完全唔驚囉,輸錢係我既專長...

　　今日12點幾起床,一張開眼就開始望下我既龜竇,太雜亂喇,咩都唔理,收拾下先啦,

汁汁下,阿叔黎左拜年,突然開左我房門,我五官不全咁既樣,佢望左我一眼,就同我講,

你又高左喇喎~....唔係掛~我坐係張床汁緊野,你咁都睇到,好勁wo~~

　　下午,我好悶,於是同兩個妹去葵芳行街。佢地兩個睇衫,我就等佢地....Zzz...

之後我地就去網巴玩勁舞,狂玩2小時,我有少少進步左,唔錯!!但我d利是錢,唉~

我諗交完d爆左n分鐘既電話費後(2個月一齊俾),唔知d利是錢夠唔夠俾呢~~

呢個果然係一個黑色新年,越有錢,d錢就越去得快,好黑仔呀~~睇黎我都係日日食麵包,

節省返d錢黎交電話費喇,唉~~太窮喇......

      今日係咩野日子呢??年初2,唔係掛~今日早上係既,屋企黎左1個阿叔黎拜年,

晨咁早就比佢&爹娘嘈醒左,講野既volume勁大。知道有人黎,躲係房,唔想見到呢d人,

因為佢地最中意問長問短,雖然唔係好煩,但我並唔中意果種機械式既對答....

『你讀書讀成點呀?? 幾好呀..』『辛唔辛苦呀?? 幾啦...』 『你...., 都係咁樣姐。』

呢d說話重複左唔止千萬次,其實真係唔需要問我呢d野囉,唔通我真係會好認真咁同你講

咩~但我唔否認呢d野真係需要做既,話哂大家少見面,去到人地屋企,唔做返d門面野,

人地主人家都未必高興啦~...所以體諒下啦.... (自相矛盾)

  下午既時候,都唔知好嬲定好笑,冚家除左玩電腦果個外,每個人都去左瞓覺,

瞓醒既人出廳望兩望,又去返房瞓覺...Zzz...呢d叫咩呀??叫做無聊到想死,

呢個係咩野家庭黎嫁,1年成家人出1次街都冇,算點!!唔係大家唔得閒,只係爹娘不願,

其他的都唔係太願,咁就呆係屋企瞓死佢囉....無聊...