今日神咁早起左身，因為要返工嘛~所以7點左右起左身，之後返工。嘩~今日d人都唔知痴左咩野線，係咁黎m記買野食，

由早上開始人流就一直有好多，d人流有増冇減，做到我死死下，特別係1點~2點，呢段時間d人係最多架，我不停流汗囉~

真係累死人喇~個個員工都叫苦連天，最衰既係d人搵我黎出氣嘛~(可惡...)不過算啦，我明白佢地都唔想ge~之後做牙做牙...

我由8點做到4點鐘，真係好累囉~不過又算啦~咁先叫做血汗錢嘛~張張錢都係有血有汗個囉~...

今日唔知自己痴左咩野線，5點10就起左身wo~個天都係剛剛先光起來炸。我起身第一件事就係...(爆石+沖涼+刷牙)，

牙媽and家姐都起左身，牙媽早起身為拜神，家姐早起身為返學，我仲記得以前都係6點就起身返學lu...間學校o係九龍，

所以一定要早起先趕得切上學時間架，果陣時真係同我家姐相依為命架，因為我地次次坐巴士都會瞓覺，但每次就快到站，

我地總有一個會叫對方起身落車喎~呢d可能係我地不知不覺間而有既默契啦~所以果陣時我真係好中2我家姐，覺得佢真係

對我好好囉~(好多謝你牙，雖然知道你唔會睇我個日記，但我都會o係心入面好好多謝你架)，之後返學做功課and做功課...

好累牙，之後就返工，好可惡既係比好多善德既人睇到我穿m記衫果個衰樣，果陣真係好想自己可以消失囉~佢地都露出左

好奇既目眼，好似想問我d野，但因為唔識我而冇問到，感覺好怪牙，好唔自然囉~放工，返到屋企飲牙媽靚湯，好正牙。

之後睇電視，玩電腦，沖涼lu...唔打喇~