8點幾媽媽佢地就起左身....佢地話帶小豬去俾婆婆睇...媽媽知我琴晚瞓得唔好...所以佢地3個去左...我留返係舅母屋企瞓.....9點幾佢地返黎....我一起身...嘩...差點嚇死我....我既眼袋亮起紅燈...已經到左冇得救既地步...小豬仲笑我係"國寶".....oh...我都唔想架....但係帶眼鏡遮一遮都唔掂..小肥話仲係好勁.........

去左飲茶....食左勁多地道野........之後表姐佢地帶我地去行街街...行左好多好多鋪頭......有baleno.....好搞笑....converse都有呀....仲有好多好怪既鋪.....突然諗起中文果課書"店鋪"......好似一切都黎得太假......我成日都覺得個camera影住我....影住我屋企.....好特別但其實又好正常既諗法..."我地生活緊既同時....好多唔同既人都係唔同既地方唔同既角落做緊唔同既野....."....突然覺得自己好白痴.....~去返琴日果間cd鋪.....好開心....可以買到"流星花園I"+"戰神"+仔仔既"CD"...雖然"上班女郎"+"鬥魚I+II"都冇......但係我已經好開心架la..都叫做有收穫...我相信係不久既將來可以揾到.......其實我想"草"....到我40幾歲..或者成7老80既時候睇返....仲可以回味花澤類+杉菜...小豬(show)既所有劇集.....唔知會係點既呢......仲有我最鍾意而到而家都揾唔到既soundtrack.....這就係我既best memory la...岩岩聽小肥講先知原來仔仔+大S話要結婚....我真係好登佢地開心......如果係真既真係好好呀.........."哈...原來佢地係真個喎....."

嗯....今日聽表姐講我地琴晚去睇碟附近....我地去之前既1粒鐘左右發生左"斬人事件".....我俾佢嚇親....心血小既我......爭D暈低.......又話咩3個人斬1 個男人....又話琴晚我地果到有另外幾中命案...一晚有成4個人死左......嘩...真係好可怕呀~~~~其實我都幾怕......幾怕果D交通....人車爭路......

返左去瞓左一陣就要去車站la.....勁traffic jam.....去左深圳行個轉...其實我都唔想....因為太恐怖la...有人跟住我地行...個個個樣又好"煨鎖".....我拖住媽媽隻手都濕晒.......真係好想走...好想快d返返香港....諗起果d厠所...而家先知點解爸爸咁唔鍾意返大陸....行路要咁急......."冇咩必要....我都唔會返架la..."因為實在太恐怖la...一定發惡夢...好彩有小豬....如果唔係我一定係到喊.....

係九龍塘搭taxi返屋企.........呵....我好鍾意坐車頭呀.......

刊登時間︰2005-11-14 12:07 AM  

 [ 訪客留言(0) ] [ 編輯日誌 ] [ 分享至FACEBOOK ]