性規定要我坐係個位度聽電話，咁我咪又好自然同佢駁火囉，駁到佢又行左入房，仲叫我入佢房，我仲死都

唔肯入，我話唔得閒好多野做，仲串返佢話要留係度聽電話，跟住佢就走出黎又係度媽媽叉叉亂 9 咁吠，攪

到我張抬亂晒，我就即刻火都黎埋仲同佢正式開戰，大約戰鬥左 10 分鐘，之後我就擺出一個不瞅不睬既態

度，由佢自己係度亂 9 咁發噏瘋，佢就好冇癮咁走返入房，之後我同<自大狂>傾左一陣電話，而佢咁啱走左

入<自大狂>間房度問野，佢仲懶好人兼好似冇事發生咁問<自大狂>係咪同我講緊電話，點知<自大狂>又好醒

目咁答係又點，攪到佢好癮咁走左，出返黎果陣又係我位係咁摷野，又不停係度口噏噏話我做好晒 d 野唔即

刻拎比佢，我都冇理到佢，由佢自由發揮，跟住成日冇同我講過一句，剩係係度玩飛紙仔咁吩咐我做野，一直到放工為止，所以今日隻耳仔難得過得好平靜，冇人係我身邊一直係咁 "比利爸喇" 煩住晒。

就係今日開始我唔再容忍個百佳咸雞蛋人渣小喇叭上司無道理咁罵，我先至比佢煩少好多，因為我始終覺得

佢越黎越過份，我唔同佢駁咀係因為佢係我上司至比返 "豆令" 咁多薄面，但係我發覺我唔出聲佢就好得

戚，所以我唔會再比面佢，只要佢無道理既野，我就會開炮還擊，我都預左佢會對我不利，最多咪東家唔打打西家囉!!