行到 7 點到，阿姨率之訓醒覺，叫我地一齊食飯，我同媽媽係冇野做既情況之下，就同阿姨一齊食飯，我地

三條友又去左和民食野，我仲同媽媽講笑咁話，和民係成為左我地個飯堂，我地諗住早 d 去等位，點知今日和民竟然唔駛等位，去到就有得坐喎~!!

我地食到 10 點鐘到，之後仲行左一陣街街，但係見到 d 商場閉門，三條友冇野做之下，就去左百佳行，我

地不知不覺咁買左成車野，好彩有姨丈接我地，姨丈仲話我地唔駛錢入咁多貨架，我地就哈哈咁回應返佢，之後我地就各自回家了。

今日係中秋節，雖然同媽媽阿姨一齊過，但係都好開心，因為起碼唔駛一個人過，年年過時過節我都係一個

人，最多攬住隻肥豬過節，可能媽媽同阿姨知道我一個人會好悶，同埋會亂諗野，所以今日佢地齊齊都陪我，等我唔駛咁寂寞，有人陪下我個心情都開心 d。