今日音樂堂ge代課老師唔係Miss.Chan,而係教我地數學ge吳sir

跟住佢話我地今堂要睇video

原來係詹瑞文個套 爽呀!

雖然我小學個陣有睇過,但係依家睇番都係好搞笑

今日聽講座,係關於懲教署,佢播D video話D囚犯要守紀律,連食飯都要守紀律。希望我唔會犯事啦。

今日做衝鋒21,劇情超緊張.連可羅米都話好,都唔明福娃點解話低b

希望聽日唔駛返cell啦,因為聽日係泥門對巨深最後一集呀

今日唔知點解好似未咁,上中文堂個陣,Miss.Chan問我ge問題,我全部都唔識答,最搞笑係佢問我個段野有幾多字,o唒嘴

綜人堂個陣,阿sir無端端話要做返project 仲諗住阿sir無左件事添 唉! 河馬都未send project俾我,我點做呀,河馬!

今日班女仔又傻左,係度玩埋D無聊病毒傳播遊戲,成班人顛左咁跑黎跑去,好似有地震發生咁。跟住班男仔又同班女仔玩無聊game{唔包括我},成村人係度跑黎跑去,真係好似暴動咁,阻住我做功課。

                  今天是1D班顛佬出沒紀念日

今日真倒霉,零晨俾蚊咬,搞到我唔到

朝早聽Hotcha D歌,high得制,唔記得將聖經file塞落書包,結果要抄默書範圍九次

臨放學同哥斯拉2號決戰,佢竟然又用佢絕招(扮喊)想叫哥斯拉3號幫手,可惜佢冇理佢。跟住我學2號扮喊,佢Dfriend話我喊得好難聽,真係呀

放學上去擺完野之後,竟然唔記得leg野,上返去俾可羅米阻住左,佢係專登阻我ge,我諗係因為佢暗戀我,想乘機同我傾計,同我有有進一步發展空間,唉!生得.真係慘!                                                                                                  

天呀,點解我今日咁黑架!唔通連個天都唔鐘意我?!你捨得咁對我咩?  希望聽日會有好運行啦

PS:請原諒我用代號代表人名,因為我唔想QQ哥搵到我個blog