2013 1月16日...

原來我真係好耐冇公開打過blog, 其實應該咁講...blog都有一直打, 只係打係第二度...
有時覺得好多野屈埋係個心入面到又唔係好想同人講既時候, 就唯有打blog...
今日執一執呢個blog, 所有以前打落既開心, 唔開心既野都全部delete晒
睇過幾段之後, 真係唔想繼續睇落去, 雖然以前打既野...好多朋友都會關注, 會黎睇
都會因為我果陣時set左係會員先睇到而好多朋友多專登申請做會員睇我打既野...
唔經唔覺, 我用左Qooza都有6年...
希望係2013年入面, 我係到打既野...開心...係會比唔開心既多啦...
雖然呢排好多人都知道我好唔開心, 或者見到我當住佢地面前喊到收唔到聲, 係到講聲, 對唔住, 同埋多謝當時既安慰

每個人都會經歷佢地工作上, 家庭上, 生活上同埋感情上既煩惱...
當然...我都唔例外...
不過...我比較上會係感情方面煩得多...
可能我年紀真係大啦...好多野都玩唔起, 賭唔起
近期都發現自己好多時做既野都好似多如咁樣, 究竟係咪自己既方法係錯左
都會有時諗究竟我自己係一個咩角色, 因為短短兩, 三個星期內, 可以由成日掛係口邊好掛住我既佢
突然變成冷冷淡淡咁, 而倒番轉, 可能而家會係我經常性咁樣同佢講...
可能只係我自己問題...
安心一日, 之後可以幾日個心都好亂好驚好辛苦...
我好希望開始得呢段感情, 唔會再係一個錯既選擇...而希望可以行到最尾, 而唔係一個唔想得到既收場...

再次多謝呢幾日所有朋友/親友send黎既msg, 無論係wechat, whatsapp, line, sms都好...可能我只會求求其其咁答左就算
不過好多野, 真係唔知點開口講, 我講得出既話, 或者我唔會唔開心, 因為我會知道自己問題係邊...多謝你地啦