月頭的星期日,我要返工.

放工後同豬豬行街街食飯.

同shopping,唔冼講,一定冼一筆啦.

今日的星期日,豬豬返工.

佢放工後行街街食飯.

同shopping,唔冼講,又冼一筆啦.

如果放假,反而會留係屋企訓覺睇碟,

會冼少一筆,唔通星期日返工,多數都白做.

不過都好開心既,可以一齊行街食飯,同買到心頭好.

生日魚生蛋糕,但係我地陣亡曬既時候先送到.各人都無能為力.

好開心呀~好耐無見.都有一年咯,一見到面就係咁傾,係咁傾,同係咁傾.一輪咀咁傾.傾到人地收工咁制,得返我地一枱,先捨得走.我地真係好夾.所以我地計劃下年一齊去旅行呀~真期待呢~

點解而家放榜咁大震象架.

我地舊時個陣邊有咁誇.

最記得放榜個日,攞完成績表.

人地就趕黎趕去,搵學校.

但我地就成班人係學校踼足球.

都幾搞笑.不過而家都有少少後悔.

後悔點解個時唔好好讀好啲書.

如果唔係,可能而家己經做左自己想做既工作咯.

但諗返轉頭,如果唔係咁.我又可唔可以識到我老婆呢.

所以後悔都無用,最緊要現在同將來.

估唔到回歸一週年,

就搞到十一點先有得放工.

不過唔緊要,做完都係八點到.

跟住食個飯,同師兄打機,十一點先走人.

咁就袋多左二百幾蚊喇,一週年就係咁過LU.

好耐都未睇過一輯咁完美既好戲~

記得第一次睇佢既戲(Armageddon)就係喺朋友屋企睇,其中一幕已經覺得好震撼~

跟住自己買返屋企睇..三個鐘...我一日之內睇左三次..

因為除左劇情非常好之外,原來一輯戲一定要有感情位..

就係呢幾個感情位..我睇左三次..(其間我感動到流眼淚0既次數,我都唔記得有幾多次.)

第二次睇,第三次睇...效果都一樣.(眼淚都好不知不覺地流出黎~)

跟住既(Pearl Harbor)二個幾鐘,一樣都係咁震撼同一樣有感情位.

然後0既(THE ISLAND)戲情一般.但都震撼,感情位接近冇.(呢套戲觀眾0既反應一般)

到今時今日既(Transformers)戲情超好,畫面超靚,變身一流.

我睇完都唔覺坐咗兩個幾鐘,但有驚喜0既係.

我估都估唔到,一輯講機械人0既電影,導演(MICHAEL BAY)都可以拍到,

人同機械人都會有感情產生.呢個就係佢既電影風格.

(電影真係神奇)