首先要對老鼠講句真係唔好意思,本身唸住過黎送機ge

不過被呀爸捉左我返大陸..哈哈...

不過話時話我都有成年幾無返到大陸啦...

原因真係一匹布咁長啦...不過唸下唸下真係好耐無見過呀嫲啦....

終於都係返去睇下啦

一大早就去左搭車..超凍的說......

返到去跟住baba去social...真係有d唔習慣, 最後決定自己一人周圍行算啦

行左一大輪...都係無咩野做,落雨濕濕...最後都係返去同呀嫲傾計算啦...

今次真係唯一一次同呀嫲單獨相處...睇黎佢真係好想同我傾計, 本來就無咩話題ge, 但係佢不停搵d話題出黎講...

不過話時話,生疏好耐ge新會話, 我竟然咁快上返手....無計....同佢傾計好似雞同鴨講咁...最後我決定要改返用新會話同佢傾

哈哈...真係唔錯....不過記得上次返去ge時候係同jeni去....無聊戈陣仲可以玩下煙花,游下車河....但係今年真係太凍啦....邊度都唔想去...仲要落雨添....下次啦...下次有機會再玩啦.... 

每次唔返去都會搵個藉口, 每次都話下次有時間再返去玩, 下次再返過去咁....但係其他係咪咩都有下次呢...."下次啦"呢一句好似變左做現代人用黎落台, 推托 ge時候用...有幾何係真係有期望有下一次呢? 或許有時候講者無心, 但聽者有意...通常聽者真係會有期望到下一次真係可以做到。但連聽者都無望ge時候, 係咪已經對人無再期望呢?

真係一個壞習慣呀...唔要得...以前一直話下次, 結果等左成年幾, 仲要唔係主動話做。真係失敗呀...自己都要改下呢個壞習慣先得

不要相信一切有下次

ps: 愛得太遲