真系好呀！
系呢次考試既經歷有三部曲 -
『考試前，雄心壯志；考試時，玩物喪志；考試後，無哂鬥志。』
真系非常貼切呀。
算啦總算考曬∼真系考完試我個人松曬，
早前Miss吳幫我地參加左個比賽，
名為：『國際奧林匹克機械人競賽（WRO）2101香港區選拔賽』
真系長，又國際，又奧林匹克，好似好勁咁；
其實呢就系用LEGO去整個機械人再寫program去控制佢。
話曬都系我地第一次接觸呀，
真系又期待又驚……驚唔識玩。
LEGO MINDSTORMS NXT
成個機械人既核心 - NXT
高科技感應器，有觸碰、光源、聲音、超音波……仲有3個伺服馬達
開盒後我地就開始有默契地分工，因為無明顯分所以稱為有默契，
MC為首席工程師，佢就開始砌LEGO，
我就咁系玩下個Software先啦，完全無接觸過咩都唔識……
真系覺得MC好犀利呀，話咁快就砌好，仲要唔系跟說明書砌基本野；
咁我D軟件方面就咁系要快D配合佢啦，
雖然第一次用不過尚算順利啦，
就整左個識跟黑色線段行走既機械人。
抖抖先……Lunch
又系食麥當勞呀
好多『蒸薯條』
食飽繼續開工！
最初體 有光源感應器同個裝飾觸碰感應器
為左測試我地自製左條簡略賽道
多次修改後，成功！
原來基本上我地完成左個比賽……可惜個小學組
努力改建中……
v2 改良版 個樣勁左，其實一樣XP
好smar既眼仔，其實系超音波感應器
聲音感應器
聽日繼續努力！
要升上中學組，再去高級組！
系呢個試後活動週，我地都會一直玩呢樣野，仲可能去到暑假 
