前幾日就去睇左《72家租客》，
估唔到訓晚凌晨TVB就重播番先鋒年前既《七十二家房客》，
開左少少開頭就比佢吸引我睇埋落去啦，
一開始個feel好似《72家租客》，
原來《72家租客》開始講番n年前D野系同《七十二家房客》有關架。
太子炳同佢個老婆嫁個女失敗比人拉左就系《72家租客》；
《七十二家房客》仲好笑，失敗左就連佢老婆都比人娶埋 :roll:
不過感覺上，《七十二家房客》仲帶得出果個互助既精神，共同抵抗包租婆既惡招，
一有事就成村人走曬出黎，一話要錢，雖然個個都系窮到死，不過都毫無保留咁借比人。
呢D事E+系無可能發生喇，我為人人咁高尚既親操都系系電影回味啦
以下引用左一段簡介：
《七十二家房客》的成功，重新勾起觀眾對粵語片的興趣，曾一度息微的粵語電影得到復興。《七十二家房客》改編自同名的中國抗戰勝利後的一套舞台劇，劇目一直南傳至香港，導演楚原就以在原劇本中加入了很多幽默的諷刺社會因素，引起當時市民的共嗚，加上引入了大量受市民歡迎的無線電影藝員參演，配合當時邵氏當紅的合約演員，就變成了一套燴灸人口的喜劇。
故事講述中國某城市的某個舊式庭院，住了七十二家人。房東是一對刁蠻霸道的夫婦，
男的叫太子炳(田青飾)，女的叫八姑(胡錦飾)，他們買了一個養女，名字叫阿香(井莉飾)；阿香名義上是養女，但實際上則與婢女無異，終日被八姑頤指氣使，受盡她的呼呼喝喝，待遇極之刻薄。
七十二戶房客中，大部份都是草根階層，各自經營小行業維生，例如賣飛機欖的白欖福(何守信飾)、洗衣的上海婆(沈殿霞飾)、補鞋的發仔(岳華飾)、行醫的金醫生(井淼飾)、做裁縫的陳伯(黃侃飾)、經營粥檔的和記(李壽棋飾)、賣煙的楊伯(王清河飾)以及長期失業，依靠為報館寫稿維生的韓先生(梁天飾) 等等。他們雖然貧窮，關係卻十分和睦，守望相助，在物資短缺，經濟蕭條的時勢下仍能共渡時艱。面對自私的房東夫婦每日的卑鄙招數，房客一一拆解問題的同時，亦產生很多笑話出來。
- 《七十二家房客》劇照
|
