今日返到去，哇．．
ｄ功課多到丫∼！抄到我嘔泡。
尋日配左副眼鏡，人地見到就問”吓？你架？”
我就諗：唔係我既．．我又點會帶左咁耐呢？
有人話好型。（呢句永遠都係得鋒鋒講－３－就算我唔帶佢都話好ｍａｎ．．）
有ｄ就話好樣衰，
其他人就話：”好過之前個副喇∼！”
”個樣好似唔同左啵．．．”之類咁既野喇。
不過我都預左，唔同人有唔同眼光啫＠＠”
午飯個陣有人冇帶飯，
個禽獸又係度發癲，
我地全班都好唔"鋸"佢，
人地帶唔帶你吹得脹咩！係度懶緊張∼！
之後放午飯個陣豆包恩同赤西仁叫我過去傾野，
我見到佢地眼裡散發住不良既意識，
我就知道佢地又想問肥姜ｄ野－３－
我就話：”人地唔想俾你知你地就就唔好問喇！”
係囉！俾著係佢地呀，佢地都係咁喇，
好似之前吳柏恩拍拖咪又係唔想俾人知！
自己又唔諗下。
其實知咁多做咩呀，自己又唔係受人溝。
都要理下人地感受啦！
所以我是是但但咁講左幾句唔關事既野，
等佢地死左條心就算ｌｕ∼
跟住就不斷再嚇赤西仁，
”三年．．”已經變成佢既死點，呵呵．．．
之後D.T.堂我同豆包恩又再落後，
得我地係最尾個個－３－
不過佢有肥姜幫拖，我諗肥姜都好開心可以幫到恩恩。
個兩堂我同肥姜都係度討論豆包恩，
佢話好唔"鋸"我錫左豆包恩，
我就同佢講”車∼你自己唔咩之麻∼”
佢話唔想傷害到佢，唔想搵自己深愛既人黎玩喎－３－
但係冇人叫佢覺得錫佢係玩佢啵．．
深情的一吻唔得咩－３－
佢話等機會喎∼∼∼∼∼∼∼
放學個陣有兩條友爭住請豆包恩食野，
咪又係矮豪同肥姜囉－３－
恩恩又唔要佢地既野食，所以又要我出面。
扮話係我請，等佢食左先講返係邊個邊個請既。
之後去天台還返ｄ錢俾矮豪，
順便打返兩場－３－
跟住見到肥姜出現．．
仲拎住個杯麵過黎添＝口＝
佢仲帶左ｄ金莎，因為佢以為恩恩有黎．．
見到佢唔係到就失落左好耐。
我打打下波個陣突然有人打黎，
原來係佢！
ｓｏ我就快快腳咁就走左ｌｕ。
見到佢之後原來又係為左ｄ無聊野，
同佢搞掂之後就返左屋企ｌｕ。
夜晚個陣濠濠ａｄｄ我，
同我講左ｄ野（來來去去咪又係為左佢－３－），
我聽完就去左訓ｌｕ。
|
