今日祺琪都剪左頭髮．．
而兩個既水準都……
今朝番到班房見到冇人，
諗住去D班玩下啦，咁咪行左去小受鋒個度囉，
點知條目咀呃左我過去，
用個鎖鎖住左我條皮帶！
好賤呀∼∼∼∼∼∼∼！！
之後搞左勁耐都唔肯幫我開番，
又勁大力"cool"住我，整到我兩隻手臂都紅哂(呢d人真係就快絕種)
後尾因為我發力，佢驚左我所以低聲下氣咁幫我開番（呵呵呵〞
本大爺不是好欺負的！ ）
數學堂個阿ｓｉｒ都廢既，
死垃圾教到亂七八糟，
我同老杰成堂同佢嘈，講極佢都係唔明．仲衰過陳仔，
唉…仲要對住佢兩年架…
小息過去串細祺（終於有野串到佢啦 ！）
好正，感覺真好∼
跟住從細祺口中得知矮豪係幾衰的，
佢竟然欺負一個精靈可愛的小妹妹！諗起都好想打佢…
文書處理兩堂勁無聊，好彩我冇係屋企做左份功課咋！
佢要人上堂重新再做過哂＠﹏＠
兩堂其實都不斷上網，有次無意中望向細祺個邊，
見到佢同陳倩婷玩得好開心…
（後尾仲見到佢一溝二！）
午飯同姜芝祺（肥姜、芝芝＆祺祺）個ｄ去左食野，
本來肥姜唔來的．．但係點解．．．？
番到班房琪琪同杰杰係度互串，
一個串某某既肥姜，一個串某某既肥雞，
我前面個個唔明白，所以我一路講解俾佢聽。
（佢地兩個好似已經習慣左）
英文堂超勁爆激勁無聊，聽到我想喊…
中途老杰成日話赤西仁有〝震腳〞，叫我留意下，
咁我咪留意下囉．．
我留意左好耐都見唔到佢有郁，
咁諗住放棄啦，點知過左一陣，我同杰杰用肥姜串佢個陣，
佢即刻兩隻腳係咁震！！！！（好神奇呀）
放學突然要補課…完全冇心理準備．．
放學之後見到肥姜係我地補課個班房行過，
咪諗住打個招呼囉，點知我、杰、豪三個一齊大聲同佢say hi，
佢竟然望住江芝芝！！！！！！！！！（無言…
補課前黃燕妹（周燕琳）踢爆左矮豪，
原來佢有左矮豪既ｂｂ！
跟住佢地演戲，我地就笑到碌地（真係笑爆肚！勁正！）
補課→→悶
放學俾赤西仁捉左去買野，
佢成日叫我地唔好提住肥姜，話唔知乜差野，
我覺得可能係因為提肥姜會令佢原形畢露（如：震腳
之後番到屋企ｍｓｎ，有條友ａｄｄ我，
好似係李錦輝，佢講野超白痴，
話自己已經唔中意肥姜，而家中意發發，
又話咩自己係０仔（咩係０仔？）…
第二次無言…
|
