今朝∼番到去聽到話杰杰出水痘 ！！！
好驚呀－３－第四個啦∼∼∼∼∼
我好驚我都會出，我好驚會考唔到試呀．．．
肥燕、老婆鋒、矮豪、而家就杰杰．．．
歷史堂阿美串個矮婆ｍｉｓｓ（好型呀阿美＞﹏＜），
仲講左句﹝痴線﹞，跟住個矮婆勁嬲，
仲話要記佢缺點∼！！！！（車∼！痴線之嘛！前世未聽過呀？！）
跟住我地個班勁唔鋸，係咁暗串個ｍｉｓｓ，
赤西仁係最串既個一個，佢係咁講痴線痴線，
又大大聲，慌死個矮婆聽唔到＠﹏＠〞
最後都係記左阿美姐缺點．．．．
超∼都低能的，我撐阿美姐架∼！
小息個八婆+勁扮野ｍｉｓｓ成日入黎我地班房，
超賤格！仲收左李錦輝既髮泥。
本來個ｍｉｓｓ淨係收左就算，冇咁煩既，
跟住個死低能仔張智鈞即刻超賤格咁拎左勁多張記名紙俾個ｍｉｓｓ，
仲問：夠唔夠呀？
之後大家都知咩事啦∼！個ｍｉｓｓ記左佢名。
入番班房李錦輝超兇、超勁嬲咁打ｑ個白痴仔（超勁大聲，成層都聽到），
威力超恐怖∼！∼∼！我同豆包恩個ｄ遠遠望到仲幸災樂禍∼
完全冇勸交既諗頭，我同佢超扮野咁講左兩句：唔好打啦∼唔好打啦∼。就算。
可惜∼正義三人組（岱姬、鋒、區區）出左黎阻止，（歐布好似唔係度）
岱姬扯住阿錦輝，李錦輝超兇超型超大力咁整開岱姬，
繼續打個白痴仔∼∼∼後尾我同豆包同少理，
溫自己既書，之後好似有某人勸服左輝輝（好似係花花）。
午飯同豆包、企鵝慧周圍搵ｍｉｓｓ、阿ｓｉｒ簽好學生計劃，
最後用左一個午飯既時間完成，交埋。
Ｄ.T.堂.......唉．．．．我永遠都係落後既個一個，
太暴力既關係．．我揼彎左勁多支螺絲－３－
最後因為時間既關係ｓｏ亂咁用蠻力揼好就算 。
放學又係同赤西仁一齊啦∼冇乜邊幾個４ｃ了，
之後又係上左去打波啦∼
我覺得我同鋒鋒既男女關係好似調換左∼ｉ ｌｏｖｉｎ ｉｔ∼
赤西仁係側邊睇住竟然講：唔好搞基啦．．．
我覺得男扮女裝的唔可以咁講囉∼
番到屋企打俾杰杰（ｍｉｓｓ ｕ∼）
佢好似好慘咁．．．．．．．．．．．．．．．．．．．．．
希望我會冇事啦－３－
|
