生日快樂呀∼儀！琪琪同文文∼
今朝返到去好多人送禮物俾赤西仁，
我都講左句生日快樂∼
放學代豪豪同肥姜請ｔｕｒｎｉｐ恩食野。（ｔｕｒｎｉｐ即係白蘿蔔，恩恩的新花名）
到左５點收到梓濠既電話，
就出發了。
去到個陣見到差唔多所以人都到齊哂（睇黎係我最遲－３－）
我地用最平凡又普通既方法－唱ｋ黎慶祝。
ｄ人癲架．．特登唱到五音不全，
冇個音啱架！跟住冇啦啦又要大嗌幾聲－３－
之後有好多人劈酒，
自以為好勁揪，點知一陣間就訓哂係度＝口－（我覺得佢地係度扮醉）
最衰我中意既歌冇得唱，
所以倍佢地一齊發癲－３－
唱完之後有好多人都走左，
但係蛋糕都未切．．．
得返我，阿濠，阿儀，梓濠條女（好似叫許慧欣）
同另外二個唔識的。
嘉儀就突然話：咁開心，不如行去我屋企丫∼
我地咁就俾人呃左啦！
低能架．．．我地行左成個鐘先去到佢屋企！
攰到我丫∼∼∼！腳皮都磨甩哂！
入到屋企，
哇∼∼∼都未見過有間屋可以亂成咁．．．．
周地都係垃圾，ｍ記既又有，廢紙又有，包裝又有．．總之就應有盡有啦∼＠！
跟住我地玩啤牌，輸左個個要大懲罰－３－
最正既係梓濠，佢要幫人洗廁所呀！（哇哈哈哈∼∼！！！）
輸得最少（幾乎冇）既梗係嘉儀喇．．佢今日大哂既＝口－
之後佢地玩麻雀，
我唔識玩，所以係側邊睇。
玩到１１點幾，我地就切蛋糕，
不過切切下ｄ人又唔放過有得玩既機會。
係咁用野搞人地個蛋糕，
搞搞下開始發癲，係咁攞野周圍掟，
我拾起地下ｄ垃圾亂掟，
掟掟下ｄ人就係到圍揪－３－
我望住佢地我差ｄ笑到肚抽筋，
超低能．．我差ｄ俾人撞斷條腰．．．
總之一片混亂－３－我連我自己撞到邊個都唔知－３－
混戰既情況持續左一陣，
就見到個個攤哂係地下。
我地隔左一陣就走左，
ｄ人倍我行完返屋企之後就走左。
入到屋見到差唔多１２點半，
但係阿媽冇鬧我（可能唔想理我掛？）
|
